Agon Batusha

73

Profili

Emri i plotë

Agon Batusha

Agon Batusha ka lindur me 11 shkurt 1993 në Gjakovë. Në vitin 2015, ai ka mbaruar studimet për Integrime Evropiane. Aktualisht vazhdon studimet postdiplomike në Shkenca Politike në Universitetin e Prishtinës “Hasan Prishtina”.

Në vitet 2010- 2011 ishte kryetar i nxënësve të Komunës së Gjakovës. Nga viti 2011 deri në vitin 2013 u angazhua si koordinator i projekteve në OJQ-në Këshilli Rinor Kosovar (KYC) në Prishtinë, përmes së cilës ka koordinuar projekte me organizata ndërkombëtare si: GIZ, Banka Botërore, Save the Children, UNICEF, si dhe ka qenë bashkëpunëtor i shumë organizatave nacionale dhe lokale në promovimin dhe zhvillimin e politikave rinore dhe ambientale.

Në zgjedhjet lokale të vitit 2013 Agoni zgjedhet asambleist në Komunën e Gjakovës nga radhët e Lëvizjes VETËVENDOSJE!. Në vitin 2017, ai rizgjedhet asambleist dhe zgjedhet kryesues i Grupit të Asambleistëve nga radhët e Lëvizjes. Nga korriku i vitit 2018 Agoni është Kryetar i Qendrës së Lëvizjes në Gjakovë.