12 12 2018

Albin Kurti

1

Shkrime

Emri i plotë

Albin Kurti

Vendbanimi

Prishitnë

Pozita

Kryetar

Albin Kurti është i nominuari për Kryeministër i Lëvizjes VETËVENDOSJE! për zgjedhjet parlamentare 2017. Ai ka lindur më 24 mars 1975 në Prishtinë. Në vitin 1997, Albin Kurti u bë pjesë e Kryesisë së Unionit të Pavaruar të Studentëve të Universitetit të Prishtinës, që me protesta dhe mosbindje civile kërkonte lirimin e ambienteve universitare nga okupimi i regjimit të Serbisë. Kur nisi lufta në Kosovë, ai u angazhua si Sekretar i Zyrës së Përfaqësuesit të Pëgjithshëm Politik të UÇK-së, Adem Demaçi, dhe qëndroi në Prishtinë edhe gjatë bombardimeve të NATO-së, deri sa Policia e Serbisë e arrestoi më 27 prill 1999 dhe më vonë e transferoi në burg në Serbi, ku e dënuan me 15 vjet. Përmes presionit ndërkombëtar dhe kombëtar, Albin Kurti u lirua nga burgu më 7 dhjetor 2001. Më tej, në vitin 2003, ai përfundoi studimet universitare në degën e Telekomunikacionit dhe Kompjuterikë në Fakultetin e Elektroteknikës në Universitetin e Prishtinës. Në të njëjtën periudhë, ai e rivitalizoi Rrjetin e Aksionit për Kosovën (KAN) që kishte për qëllim qytetarinë aktive. Nga KAN-i, në vitin 2005, bashkë me aktivistë të tjerë, Albin Kurti themeloi “Lëvizjen VETËVENDOJSE!”, të cilën më vonë edhe e ka drejtuar përgjatë një mandati. Në vitin 2010 ai është zgjedhur deputet i Kuvendit të Republikës së Kosovës, dhe gjatë asaj legjislature ai ka drejtuar gjithashtu Komisionin për Politikë të Jashtme. Albin Kurti u rizgjodh në Kuvend si një prej deputetëve më të votuar në vitin 2014. Në këto zgjedhje Albin Kurti angazhohet për ta udhëhequr vendin nga pozicioni i Kryeministrit, me planin qeverisës të Lëvizjes VETËVENDOSJE!, për të jetësuar 40 masa konkrete si “Prioritete të Republikës” që synojnë konsolidimin dhe zhvillimin e shtetit të Kosovës.

FACEBOOK