29 12 2018

Arbër Rexhaj

Shkrime

Emri i plotë

Arbër Rexhaj

Pozita

Anëtar i Kryesisë dhe deputet

Arbër Rexhaj është i lindur në Prizren me 16 dhjetor 1985. Shkollimin fillor dhe të mesëm i kreu në Prizren. Ai ka mbaruar studimet për letërsi shqipe në Fakultetin Filologjik në Prishtinë, duke u përzgjedhur si student i dalluar në Republikën e Kosovës. Po ashtu, kreu edhe Fakultetin e Shkencave Politike. Arbër Rexhaj vazhdon studimet pasdiplomike për letërsi shkencore në Universitetin e Prishtinës. Ka botuar vepra leltrare, romane, poezi, monografi, recensione dhe publicistikë. Ka qenë kryetar për dy mandate të asosacionit të vetëm të shkrimtarëve të Prizrenit, Klubit Letrar “Fan S. Noli”. Arbër Rexhaj ka qenë kryetari i Qendrës së Lëvizjes VETËVENDOSJE! në Prizren, si dhe kandidati për kryetar komune më i ri në moshë në zgjedhjet lokale të vitit 2013.

Në të njëjtin vit ai është zgjedhur si asambleist në Kuvendin e Komunës së Prizrenit. Ka ushtruar detyrën e kryetarit të Komisionit Parlamentar për Arsim në Komunën e Prizrenit dhe atë të kryetarit të Këshillit Mbikëqyrës të Klubit Futbollistik “Liria”. Gjatë mandatit në Asamblenë e Komunës së Prizrenit, ai është përzgjedhur nga KDI-ja si asembleisti më aktiv i kësaj legjislature komunale. Aktualisht drejton grupin parlamentar të VETËVENDOSJE!s në Prizren dhe punon si profesor në shkollën e mesme “Remzi Ademaj”.