Fatmir Humolli

101

Profili

Emri i plotë

Fatmir Humolli

Fatmir Humolli qysh në moshë të re u angazhua për çështjet politike në vend. Në moshën 18 vjeçare është arrestuar dhe u dënua me 3 vite e 6 muaj burg, për shkak të angazhimit të tij kundër regjimit serb. Pas lirimit, vazhdoi intensivisht punën për çlirim të vendit, duke organizuar dhe drejtuar demonstratat që nga viti 1989. Më 1993 ai kaloi në ilegalitet të thellë duke vazhduar aktivitetet në Tiranë, ku një vit më vonë u zgjodh përfaqësues i zyrës së Lëvizjes Kombëtare për Çlirimin e Kosovës. Në vitin 1997, u zgjodh përgjegjës ushtarak i LKÇK-së,dhe në vitin 2003 kryetar i LKÇK-së.

Në vitin 2007, dha dorëheqje nga LKÇK duke konsideruar se pjesëmarrja e Lëvizjes në zgjedhjet e atij viti ishte kundër interesave kombëtare dhe binte ndesh me parimet që e krijuan LKÇK-në, të cilant nuk kishin aspak të bënin me interesa për pushtet. Në vitin 2013 iu bashkua AAK-së duke dashur të kontribuoj në fuqizimin e vijës kombëtare brenda Aleancës. Ndërsa në vitin 2018, pas pranimit te Demarkacionit nga AAK-ja, ai dha dorëheqje nga kjo parti.

Pas përpjekjeve për formimin e një partie të re bashkë me disa shokë, ai e gjeti veten në programin e Lëvizjes VETËVENDOSJE!, ndaj edhe ju bashkua Lëvizjes.