29 12 2018

Liburn Aliu

Shkrime

Emri i plotë

Liburn Aliu

Pozita

Anëtar i Kryesisë dhe deputet

Liburn Aliu u lind më 10 prill 1975 në Prishtinë. Ka vijuar arsimin fillor në shkollën “Hasan Prishtina”, atë të mesëm në gjimnazin “Xhevdet Doda” në Prishtine dhe është diplomuar në Universitetin e Prishtinës në Fakultetin e Ndërtimtarisë dhe Arkitekturës. Liburn Aliu ka punuar si arkitekt në projektim dhe ndërtim të lartë, si dhe ka qenë i kyçur në restaurime të ndryshme të monumenteve të trashëgimisë kulturore. Angazhimi i tij politik ka nisur në vitin 1994 me aktivitetet ilegale, konkretisht brenda Lëvizjes Kombëtare për Çlirimin e Kosovës. Ai ka qenë pjesëtar i njësitit gueril “Rexhep Mala” në Prishtinë. Si rezultat i veprimtarisë së tij politike, regjimi i Serbise e arrestoi dhe dënoi me 9 vite burg. Liburn Aliu është një nga të mbijetuarit e “Masakrës së Burgut të Dubravës” që u krye në maj të vitit 1999. Ai ka vuajtur katër vite e dy muaj burg, dhe është liruar më 27 mars të vitit 2001. Liburn Aliu është aktivist i Lëvizjes VETËVENDOSJE! që nga themelimi i saj. Angazhimi i tij që në vitet 1990 për çlirimin e vendit dhe realizimin e të drejtës për vetëvendosje, e afroi atë pa asnjë mëdyshje me Lëvizjen VETËVENDOSJE!, përmes së cilës ai sheh të mundshëm realizimin e përpjekjeve për një atdhe të lirë e të bashkuar. Liburn Aliu ka qenë deputet i Lëvizjes, dhe nga dhjetori i vitit 2013 udhëheq Drejtorinë e Urbanizmit në Komunën e Prishtinës.