12 06 2020

Ditën e djeshme Kryetari i Lëvizjes, Albin Kurti, ka vizituar tendat për nënshkrimin e peticionit për zgjedhje të reja në qytetet Gjakovë, Deçan dhe Malishevë.

Edhe në këto komuna nuk mungon entuziasmi për zgjedhje të reja, për qeveri me legjitimitet popullor dhe për një shtet demokratik. Qeveria Kurti i ka bindur qytetarët se një qeverisje e mirë dhe që e trajton me dinjitet qytetarin është e mundur. Rrëzimi i saj i ka bindur se asgjë nuk mund ta garantojë demokracinë nëse mungon angazhimi dhe pjesmarrja qytetare në skenën politike. Peticioni është vetëm fillimi i një pjesmarrjeje popullore në skenën politike e cila do të kulmojë me votimin masiv në zgjedhjet e reja. Lëvizja e sheh qeverisjen me popullin, ndërsa qeveria Koti fshihet pas qeverisjes ilegjitime vetëm për të mos u përballur me popullin.

Kontribo