Miratohet buxheti i Republikës së Kosovës për vitin 2022!

Sot u votua buxheti i Qeverisë Kurti që është më i larti në historinë e Republikës së Kosovës me 2.7 miliardë euro.

Ky është buxhet i zhvillimit për shkak se mbështet prodhuesit vendor, ndërmarrjet publike, punësimin e garantuar për të rinj në dritën e krijimit të vendeve të reja të punës për qytetarët e vendit.

Buxhet i mirëqenies dhe solidaritetit për shkak se kujdeset për lehona, fëmijë, familje me asistencë sociale dhe pensionistë.

Buxhet i investimeve të mëdha për shkak se si asnjëherë më parë në qendër ka investimet në shëndetësi, kulturë e sport, infrastrukturë.