Buxheti që i dedikohet qeverisjes lokale dhe komunave planifikohet të rritet për rreth 100 milionë €, nga 560 që ishte në vitin 2022 në 660 milionë € për vitin 2023. Për Komunën e Prishtinës, buxheti i planifikuar për vitin 2023 është mbi 109

Kryeministri Kurti tha se Buxheti i planifikuar për Komunën e Mitrovicës, për vitin 2023 është mbi 25 milionë euro, dhe së bashku me ministrin e Financave, Punës dhe Transfereve, Hekuran Murati diskutuan më në detaje se si dhe ku është paraparë ndarja e buxhetit për këtë komunë.

Në Prizren, Kryeministri Kurti theksoi se buxheti i vitit 2023, pra 3 miliardë e 212 milionë euro, është më i larti në historinë e Republikës sonë. Kjo pasi përkundër sfidave e krizave globale, vitin e kaluar e kishim vitin më të suksesshëm në historinë e shtetit tonë, për sa i përket të hyrave buxhetore dhe rritjes ekonomike. Edhe në vitin 2023, siç theksoi ai, mirëqenia, shëndetësia, arsimi, mbrojtja e bujqësia vazhdojnë të jenë prioritetet e Qeverisë së Kosovës.

Këtë 28 Nëntor, një delegacion i Lëvizjes VETËVENDOSJE! vizitoi Muzen Kombëtar për të parë ekspozitën personale të Rexhep Selimit “Në garë me botën gri”.

Frymëzuar nga trashëgimia e pasur shekullore shqiptare, pikturat e Rexhep Selimit ndër të tjera tregojnë atdhedashurinë dhe historinë e të kaluarës së shtetit tonë.

Ekspozita “Në garë me botën gri” do të jetë e hapur deri më 4 dhjetor 2022.

Nëntori është muaji që na kujton mundin, sakrificën, përpjekjen, luftën që kemi bërë si shqiptarë të jetuar të lirë e të barabartë mes kombeve të tjera. Nëntori i festës pra, na kujton që vetëm të bashkuar mund të zhvillohemi e të fuqizohemi për të qenë të lirë, të mosvarun, e të barbarët me të tjerë.

Për nder të 28 Nëntorit, festës kombëtare shqiptare, krerët e institucioneve të Republikës së Kosovës, Kryeministri Albin Kurti me Presidenten Vjosa Osmani dhe Kryeparlamentarin Glauk Konjufca ishin për në Vlorë dhe tek busti i Adem Jasharit në Tiranë.

Në anën tjetër, Zv.ministri Bislimi e Zv.ministrja Rexhepi, Ministri Sveçla, Ministri Peci, Ministri Çeku, Kryetari i Qendrës Mitrovicë, deputeti Armend Muja bashkë me aktivistë vizituan Kullën e Isa Boletini në Boletin dhe deputetët e Lëvizjes VETËVENDOSJE! bashkë me aktivistë dhe veprimtarë të çështjes kombëtare në Kosovë bënë homazhe te busti i heroit kombëtar, Gjergj Kastrioti – Skënderbeu, te varrezat e familjes Jashari në Prekaz, te shtatorja e Ismail Qemalit, dhe te shtatorja e Zahir Pajazitit në Prishtinë. Ndërsa një delegacion tjetër bëri homazhe në Lidhjen e Prizrenit.

Lavdi gjithë martirëve, dëshmorëve, heronjve tanë falë të cilëve sot gëzojmë atë që jemi dhe atë që kemi si shqiptarë.

Gëzuar Festat e Nëntorit.

Qëllimi ynë ishte që propozimi franko-gjerman për normalizim, përmes një marrëveshje ligjërisht të obligueshme ndërkombëtare të bëhet çështja e bisedimeve në Bruksel drejt arritjes së një dakordimi i cili shtetit tonë, që është normal e demokratik, ja bashkëngjit një raport normal e evropian me Serbinë, me fqinjin tonë verior. Një gjë e tillë nuk ishte e përfshirë në diskutimet e ditës së hënë, tash ajo figuron saktësisht dhe me një status të qartë në paragrafin e parë.

Të hënën në mbrëmje është ofruar një dokument si dakordim i përbashkët i cili i ka pasur 95 fjalë dhe fjalët Francë-Gjermani nuk kanë qenë askund, dhe nuk i referohen propozimit franko-gjerman pos çështja e targave. Ndërkaq kjo që është dakorduar mbrëmë i ka 194 fjalë, është më shumë se dyfishi i tekstit. Janë krejtësisht të ndryshme.

Ata që thonë që ajo nuk është pranuar të hënën, është pranuar të mërkurën nuk e dinë për çfarë po flasin. Është dyfish tekst më i madh ky i mbrëmshmi, dhe nuk është marrëveshje, është dakordim. Është deklaratë e Borrellit. Ajo çfarë është bërë mbrëmë është ndryshuar deklarata e Borrellit, ne nuk kemi ndryshuar qëndrim, Borrelli ka ndryshuar deklaratë dhe kjo është shumë mirë.

Ne dëshirojmë që të krijojmë një masë elementare mirëbesimi për t’i dhënë shansë dialogut me shpejtësi dhe ai duhet të fillojë brenda disa ditëve ashtu thuhet në paragrafin e parafundit, dhe është shumë mirë që është përshpejtuar gjithçka. Ka pasur kërkesa nga Lajçaku që të shtyhet për 12 muaj e nga Escobari për 10 muaj, por unë besoj se kjo mund të bëhet dhe do të bëhet shumë më shpejt dhe qëndrimi ynë doli i drejtë.

Kur unë kam qenë gjatë bisedimeve të hënën, insistimi më i madh ka qenë që në dakordimin që bëhet deklaratë e Borrelit të jetë asociacioni i komunave me shumicë serbe. Ata e shohin asociacionin si thelb të normalizimit, ne e shohim njohjen reciproke si thelb të normalizimit. Dhe është dallim i madh në mes të hënës dhe të mërkurës.

Ne nuk pajtohemi me të kaluarën por trashëgimia e qeverive të kaluara është shndërruar në pozicion zyrtarë të vetë Bashkimit Evropian. Pra, trashëgimia e marrëveshjeve është pozicion i BE-së. Prandaj edhe në deklaratën e Borrelit i keni ato.

Serbia e ka pranuar për herë të parë që emërtimet e qyteteve të Kosovës janë pjesë e jurisdiksionit territorial të Republikës tonë. Një hap i tillë është fundamental në drejtim të strukturave ilegale e paralele, dhe përfundimit të financimit të tyre në të ardhmen e afërt.

Aktivistet e Lëvizjes, anëtaret e Kryesisë së Gruas për VETËVENDOSJE! Tinka Kurti dhe Nazlie Bala po marrin pjesë në këtë kongres që është i XXII dhe këtë herë po mbahet në Madrid të Spanjës. Një feminizëm i gjithmbarshëm dhe plane konkrete të veprimit drejt barazisë ishin ato që u kërkuan nga politikane e aktiviste socialdemokrate prej anë e mbarë botës.

Gjatë punimeve të këtij kongresi janë ndarë përvojat e ngjashme të grave pavarësisht kontinenteve të ndryshme. Aktivistet tona të Lëvizjes kanë shprehur solidaritetin dhe mbështetjen e plotë me pjesëmarrëset nga Ukraina. Është shumë e dhimbshme të shohim duke u përsëritur skenat e krimeve të cilat i kemi përjetuar vetë, si popull dhe si gra.

Në këtë Kongres janë miratuar edhe disa ndryshime në statut të cilat i kontribuojnë barazisë gjinore në këtë organizatë dhe angazhimit për të jashtë saj. Ndryshimet përfshijnë themelimin e Komitetit për Barazi Gjinore. Ky komitet do të përbëhet prej grave dhe po aq burrave. Kështu do të ndryshohet numri edhe në të gjitha strukturat për të garantuar barazinë gjinore përmes përfaqësimit të barabartë. Ky ishte një synim i vendosur prej kongreseve të kaluara ku Internacionalja Socialiste e kishte marrë vendimin historik për vendosjen e 50% të kuotës për strukturat e veta.

Në mes shumë diskutimesh dy rezoluta janë miratuar gjatë kongresit në Madrid. ‘Eliminimi i dhunës kundër grave – një strategji globale’ është rezoluta që vë theksin në shumë lloje të dhunës ndaj grave. Thirrja është që kjo të trajtohet si çështje politike në çdo parti, në çdo shtet dhe në tërë globin.

Rezoluta tjetër flet për gjendjen e grave dhe vajzave në Iran. Parulla ‘Gra, jetë, liri’ që po thirret në Iran është edhe titulli i rezolutës së miratuar nga gratë socialdemokrate por edhe theksi e synimi për angazhim.

Gjatë këtyre punimeve është zgjedhur gjithashtu kryetarja e re e Internacionales Socialiste të Grave, Janet Camilo nga Republika Domenikane. Znj. Kurti dhe znj. Bala kanë uruar kryetaren e re dhe nënkryetaret e sapo zgjedhura.

Barazia është qëllimi, feminizmi është rruga.

“Sot, drejtësia në Republikën e Kosovës nuk matet vetëm me rastet e luftimit të krimit e të korrupsionit, nuk matet vetëm me krimet e kryera gjatë luftës, por matet edhe me rastin e mbytjes në burg të Astrit Deharit. Vendi ynë, shoqëria jonë, populli ynë, e ardhmja jonë, ka nevojë për prokurorë e për gjykatës që kanë dije, që kanë zell, që janë të gatshëm, që janë të interesuar për drejtësi. E qartazi sistemi ynë çalon. Mirëpo, ashtu siç Astrit Dehari nuk është ndalur asnjëherë deri në frymën e tij të fundit, ashtu nuk do të ndalemi as ne që Kosovën tonë të dashur, kombin tonë shqiptar, ta bëjmë ashtu siç e ka dashur Astriti jo për vete por për gjithë popullin e për brezat që do të vijnë. E ne këtë duhet ta vazhdojmë, duhet ta bëjmë. Pra, jo thjeshtë për veten tonë, as thjeshtë për Astritin, por për Arsën, për fëmijët tjerë të Kosovës, për fëmijët që ende nuk kanë lindur e që do të na trashëgojnë neve”, tha Kryeministri Albin Kurti në fjalën e tij të mbajtur në këtë diskutim kushtuar Astrit Deharit.

Në këtë diskutim krahas kryeministrit foli nëna e Astritit, veprimtarja e çështjes kombëtare, znj. Xhemile Dehari, e cila ndau disa përjetime nga mosha e hershme e Astritit, edukimi i tij, aktiviteti politik, dhe periudha e burgosjes. Kolegët për punën e tij në shëndetësi, ndihmën dhe gatishmërinë e Astritit për t’iu ndihmuar atyre në nevojë. Dhe shokët e shoqet e Astritit të shumtë në numër që ndanë përvoja me të nga aktivitetet sportive e rekreative deri te ato edukative e politike.

Astriti ishte i palodhshëm dhe i pandalshëm. Krahas angazhimeve të tij në Prishtinë, në Fakultet të Mjekësisë e në SKV, në Drejtori të Shëndetësisë, në Komitete dhe Nënkomitete të Shëndetësisë brenda LV, ai angazhohej edhe në forcimin dhe konsolidimin e Qendrave të Lëvizjes VETËVENDOSJE! nëpër Kosovë. Një Qendër që ai e frekuentoi më së shumti ishte ajo e Pejës, ku bashkë me të tjerë arriti ta strukturojë dhe shtrijë në secilën pjesë të këtij qyteti Lëvizjen VETËVENDOSJE!. Për të folur rreth angazhimit të tij në Pejë, sot në zyret tona atje, krahas shumë aktivistëve që ndanë përvojat e këtij bashkëpunimi me Astritin, ishin edhe Kryetari i Kuvendit, Glauk Konjufca, deputetja, Arjeta Fejza, përfaqësuesi i LV në KQZ, Sami Kurteshi, dhe Kryetari i Qendrës së Lëvizjes në Pejë, Taulant Kelmendi, të cilët po ashtu ndanë përvojat e punës me Astrtin.

Kryeministri i Republikës së Kosovës, Albin Kurti së bashku me Kryetarin e Kuvendit, Glauk Konjufca, ministra dhe shumë deputetë e aktivistë të Lëvizjes VETËVENDOSJE!, si dhe familjarë, sot kanë bërë homazhe duke vendosur lule të freskëta te varri i Astrit Deharit i cili u vra 6 vjet më parë në burgun e Prizrenit ku po mbahej në paraburgim pa aktakuzë, pa gjykim, pa dënim, dhe pa u marrë në pyetje për 68 ditë.

Lëvizja VETËVENDOSJE! e ka në zemër Astritin ashtu siç Astriti e kishte gjithmonë Lëvizjen VETËVENDOSJE! në zemër. Shembulli i punës dhe veprimtarisë së Astritit është ilustrim për secilin aktivist prej meje si kryetar e deri te ata që janë nëpër pika tona anembanë Kosovës e në diasporë, tha Kryeministri Kurti në prononcimin e tij para mediave.

“Astrit Dehari është aktivisti i Lëvizjes i cili nuk shuhet kurrë dhe i cili na bën që ne t’ia përkujtojmë vetes rrugën që kemi ndjekur për të ardhur këtu por edhe drejtimin që duhet të vazhdojmë ta mbajmë për të shkuar atje ku duhet për të mirën e shtetit, popullit, shoqërisë e të kombit tonë.”

Ministrja e Drejtësisë, Albulena Haxhiu kërkoi që prokuroria ta bëjë punën e saj pa vonesa në lidhje me rastin e Astritit. Neglizhenca ndaj këtij rasti është e papranueshme, nëse prokurori nuk e kryen punën e vet atëherë ai duhet të ndërrohet.

“Rasti Dehari është rasti më i rëndë në Kosovën e pasluftës pasi një aktivist politik me akuza të mveshura është mbajtur në paraburgim prej ku edhe nuk doli i gjallë. Si ministri e Drejtësisë të gjitha kompetencat që ndërlidhen me këtë rast i kemi përfunduar. Siç jeni në dijeni kemi suspenduar tre zyrtarë, kryeinspektorin e inspektoratit në ministrinë e Drejtësisë dhe dy zyrtarë që kanë pasë përgjegjësi gjatë kohës sa ka ndodhë ky rast. Raportin të cilin e ka përgatitur inspektorati ne e kemi dërguar në zyrën e Kryeprokurorit të shtetit dhe pastaj jemi njoftuar që i njëjti ka mbërritur te Prokurori Special që është duke hetuar këtë rast. Prokuroria duhet ta bëjë punën e saj pa vonesa sepse duhet të ketë Drejtësi për Astritin. Unë si ministre e Drejtësisë e kërkoj por edhe e gjithë shoqëria e kërkon këtë drejtësi”, tha ministrja Haxhiu.

Turneu i futbollit “Astrit Dehari” që organizohet çdo vit nga Lëvizja VETËVENDOSJE! në kujtim të jetës dhe veprës së aktivistit tonë, Astrit Dehari, u mbajt sot për të 6-tin vit me radhë.

24 ekipe aktivistësh prej Qendrave të Lëvizjes VETËVENDOSJE! morën pjesë në këtë turne të futbollit të vogël duke nderuar kështu shokun, aktivistin, studentin e mjekësisë, njeriun me ndjeshmëri e punë të pandalshme për drejtësi e barazi, Astrit Deharin.

Turneun e fitoi ekipi i Qendrës së Lëvizjes VETËVENDOSJE! në Drenas.

Vendin e dytë e zuri ekipi i Qendrës së Lëvizjes VETËVENDOSJE! në Malishevë.

Dhe, vendin e tretë, ekipi nga Qendra e Lëvizjes VETËVENDOSJE! në Kaçanik.

Vlerat për të cilat u angazhua Astriti organizata jonë do t’i ndjekë përherë ndërkohë që ne aktivistë e Lëvizjes gjithmonë do të kujtojmë dhe angazhohemi në dritën e veprës dhe sakrificës së dëshmorëve që ranë për liri, barazi e drejtësi, ndër ta edhe Astrit Dehari.

“Me qeverinë tonë, Kosova ka bërë hapa të mëdhenj drejt demokratizimit dhe zhvillimit ekonomik. Jemi numër një në rajon sa i përket sundimit të ligjit. Autoritetet ligjzbatuese kanë ndërmarrë 800 operacione ndaj krimit dhe korrupsionit duke arrestuar rreth 2000 njerëz, përfshirë 300 zyrtarë publik dhe shtetërorë. Kanë shkatërruar 68 banda kriminale dhe kanë konfiskuar mbi 1.8 tonë drogë. Vetëm javën e kaluar janë sekuestruar 75 vila të ndërtuara paligjshëm në një Park Nacional. Lista e pronarëve aty ishte tronditëse por jo befasuese – gjyqtarë të nivelit të lartë, biznesmenë të pasur, politikanë dhe të afërmit e tyre. Epoka e korrupsionit në Kosovë dhe e mosndëshkueshmërisë në nivelin e lartë po përfundon. Nga ana tjetër, vitin e kaluar e përfunduam me 10.7% rritje për bruto-produktin vendor. Investimet e huaja direkte janë rritur. Kemi krijuar mbi 25.000 vende të reja të punës dhe buxheti është më i madhi në histori të vendit tonë”

“Miratimi i Strategjisë së Sigurisë së Kosovës u jep drejtim institucioneve tona në përpjekjet për unifikimin e politikave dhe të qëndrimeve të cilat ndërlidhen me interesat shtetërore të sigurisë e për të ndërtuar një të ardhme të sigurt e në paqe. Ashtu siç ka ditur të çlirohet dhe të pavarësohet Kosovës, ajo do të dijë dhe do të rrijë vertikalisht si Republikë e pavarur dhe demokratike”, tha Kryeministri Albin Kurti, në fjalën e tij, para miratimit të strategjisë në Kuvend.

Kryeministri Kurti po ashtu kujtoi synimin strategjik të vendit dhe politikat e qeverisë që ai drejton karshi gjendjes së sigurisë në vendin tonë.

Synimi strategjik i Kosovës është anëtarësimi në NATO dhe në BE si parakushte për sigurinë dhe zhvillimin e qëndrueshëm të Kosovës, por edhe të rajonit.

Gjatë qeverisjes sonë i kemi dhënë vëmendje të veçantë institucioneve të sigurisë me politika të qarta dhe veprime konkrete karshi tyre.

E kemi rritur për 52% buxhetin për Forcën e Sigurisë së Kosovës.

Buxhetit të FSK-së po i shtohen edhe mjete në Fondin e Sigurisë.

Kemi përshpejtuar blerjet ushtarake dhe blerjet e tjera që lidhen me fuqizimin e kapaciteteve tona të mbrojtjes dhe sigurisë.

Kemi krijuar linja të reja të furnizimit me sisteme të armatimit.

Kemi themeluar një grup punues me qëllim intensifikimin e punës për anëtarësim në NATO.

Kemi krijuar mekanizma të rinj për më shumë koordinim të punëve në mes të institucioneve të sigurisë.

Mbledhja XLIX e Këshillit të Përgjithshëm të Lëvizjes VETËVENDOSJE!

Lëvizja VETËVENDOSJE! mbajti sot mbledhjen e saj të veçantë e shumë të rëndësishme të Këshillit të Përgjithshëm ku u zgjodh kryesia e katërt që do të drejtojë organizatën për katër vitet e ardhshme.

Në pjesën e parë të mbledhjes, delegatëve iu drejtua kryetari i Lëvizjes, Albin Kurti, i cili falënderoi, shprehu mirënjohjen dhe ndau vlerësimin e lartë për anëtarët e kryesisë së Lëvizjes VETËVENDOSJE! të cilët u angazhuan dhe punuan me idealin më të lartë shoqërorë e kombëtarë. Një falënderim të veçantë, kryetari Kurti e ndau për Sekretaren Organizative Vlora Haxhimehmedin, për të cilën tha se përmes punës së palodhshme, kursimit të kujdesshëm, dhe të ndershmërisë, ka vendosur një transparencë absolute në gjithë funksionimin e Lëvizjes tonë kaq të madhe, Lëvizjes VETËVENDOSJE!.

Tutje, kryetari Kurti kujtoi të arriturat që kemi shënuar si organizatë politike me kryesinë që sot përfundoi mandatin.

Dyfishimi i anëtarësisë prej 29.633 anëtarë sa i kishim në vitin 2018 në 59.882 anëtarë që i kemi të regjistruar e të verifikuar. 178 pika të reja, pra nga 307 sa i kishim në 485 pika në të gjithë Kosovën. Protestën më të madhe në Kosovën e pasluftës «Një popull s´i nënshtrohet një njeriu». Fushatën e suksesshme kundër PAN-hajnisë me 2019. Vendin e parë në zgjedhje nacionale në tetor të vitit 2019. Formimin e qeverisë së parë të udhëhequr nga Lëvizja VETËVENDOSJE! në vitin 2020. Fitimin me rezultat historik mbi 50% në zgjedhjet e shkurtit 2021. Dhe qeverisjen që sot e kemi në drejtimin e Lëvizjes VETËVENDOSJE! që është në aleancë me Guxo e Alternativën.

Kurti nënvizoi edhe ndryshimet e iniciuara brenda organizatës, me organizatat e reja si Rinia për VETËVENDOSJE! dhe Gratë për VETËVENDOSJE!, që do t’ju japin hapësirë të re grave dhe rinisë brenda Lëvizjes tonë. Ai gjithashtu, foli për politikat progresiste të qeverisjes që ai drejton. Rritjen ekonomike, shpërndarjen e saj te ato shtresa që kanë më së shumti nevojë, shtimin e punësimit, dhe punën që po bëhet me Vettingun dhe Byronë për Konfiskimin e Pasurisë së Pajustifikueshme.

Për të dalë te çështja e mbledhjes për zgjedhjen e anëtarëve të rinj të kryesisë, dhe të disa prej pozicioneve të rëndësishme në organizatë, Kurti foli për historikun e kryesisë së Lëvizjes.

“Kjo është një mbledhje e veçantë dhe shumë e rëndësishme, sepse sot në këtë mbledhje do të zgjidhet kryesia e katërt që do të drejtojë Lëvizjen VETËVENDOSJE!. Qysh prej vitit 2011, atëherë kur e patëm mbajtur mbledhjen e parë të Këshillit të Përgjithshëm, saktësisht me 25 qershor 2011, kanë kaluar mbi 11 vite prej atëherë, dhe çdo katër vite ne kemi zgjedhur organet e reja, sipas ligjit e sipas frymës demokratike. Në Kosovë qeveritë qendrore janë ndërruar më shpesh, por në kryesitë e Lëvizjes VETËVENDOSJE!, ne kemi patur stabilitet gjithmonë. Edhe në raste kur kemi patur përndjekje të padrejtë si opozitë që kemi qenë, edhe në rastet kur kemi patur sabotime, kemi arritur gjithmonë të shërojmë problemet, të ndreqim dëmtimet, dhe të ecim përpara sipas mandatit e me përgjegjësi të plotë. Jam i bindur se edhe kryesia e re, që do ta zgjedhim këtu së bashku sot, do të ecë përpara me punë, përgjegjësi e sukses, për një mandat të plotë katër vjeçar”, tha Kurti.

Krejt në fund, duke folur për situatën politike n vend e sidomos atë globale, Kurti theksoi rëndësinë e mendimit afatgjatë mbi organizatën.

“Sot në botë jemi dëshmitarë që është rikthyer politika fashiste, herë e drejtpërdrejtë, herë e maskuar. Politikë e sponsoruar nga Moska, nga Kremlini, nga Putini. Pikërisht sot, është rikthyer në plan të parë rëndësia e të qenit antifashistë. Kundër diskriminimeve me bazë gjinore, racore, etnike, fetare, kundër çdo lloj diskriminimi. Lëvizja VETËVENDOSJE! është partia e vetme parlamentare e cila përqafon një politikë progresiste, socialdemokrate, aktiviste kundër diskriminimeve, aktive për shtet zhvillimor. Po e kryej këtë fjalim me këto fjali: është sot me rëndësi strategjike të mendojmë në mënyrë afatgjate për organizatën tonë. Jo sot për nesër, as për javën, muajin apo vitin e ardhshëm, por për një qëndrueshmëri edhe dhjetë, apo njëzet vjeçare. Ndryshimet e vërteta, kërkojnë qëndrueshmëri. Qëndrueshmërinë do të na e japë vetëm organizata.

Të zgjedhurit e sotëm nga delegatët e Këshillit të Përgjithshëm për pozitat e rëndësishme në Lëvizjen VETËVENDOSJE! janë:

Nënkryetar i parë – Glauk Konjufca

Nënkryetare e dytë – Mrika Limani Myrtaj

Sekretar Organizativ – Alim Rama

Kryesuese e Këshillit të Përgjithshëm – Arbërie Nagavci

Zv. Kryesues i Këshillit të Përgjithshëm – Boiken Abazi

Koordinatore e Komiteteve – Dejona Mihaili

Drejtues i Sekretariatit për Marrëdhënie Ndërkombëtare – Hajrulla Ceku

Drejtues i Sekretariatit për Media dhe Komunikim – Arlind Manxhuka

Anëtarët e Kryesisë që u votuan sot:

Mrika Limani Myrtaj

Alban Hyseni

Arben Vitia

Arbër Zaimi

Besnik Bislimi

Elvis Hoxha

Fatmire Mulhaxha Kollcaku

Fitore Pacolli

Hekuran Murati

Mytaher Haskuka

Saranda Bogujevci

Tinka Kurti

Vlora Haxhimehmedi

Xhelal Sveçla

Anëtarët tjerë të Kryesisë me automatizëm për shkak të posteve që bartin:

Albin Kurti, Kryetar i LV

Glauk Konjufca, Nënkryetari i parë i LV

Alim Rama, Sekretari Organizativ

Arbërie Nagavci, Drejtuese e Këshillit të Përgjithshëm

Dejona Mihali, Koordinatore e Komiteteve

Albulena Haxhiu, GVV

Behar Jashari, RVV

Arlind Manxhuka, Drejtues i SMK-së

Hajrulla Ceku, Drejtues i SMN-së

Lëvizja VETËVENDOSJE! mbajti sot edhe Këshillin e parë të organizatës sw re Rinia për VETËVENDOSJE!.

Lëvizja jonë gjithnjë është frekuentuar nga të rinjtë sepse te ne përmes diskutimit dhe aktivitetit të sinqertë është ndërtuar besimi i ndërmjetëm që ka tejkaluar rëndësinë e moshës.

Duke uruar e dëshiruar fillim të mbarë të punës, kryetari Kurti tha se me formimin e kësaj organizate që në vetvete përmban struktura e organizim më të detajuar, vetvetiu krijohet e shtresohet edhe më shumë ajo që e ka karakterizuar gjithnjë Lëvizjen VETËVENDOSJE!, aktivistin e saj. Përgjegjësia e vetëdija për atë që e rrethon e mbi atë që kontribuon. Mbi supet tuaja e mbani përvojën e angazhimit, entuziazmin e vullnetit, vendosmërinë e qëndrimit e zellin e punës.

“Pjesëmarrja e të rinjve në politikë nuk është thjeshtë e karakterit elektoral ku votohet, e madje nuk është më as thjeshtë e pjesëmarrjes në ndonjë punë vullnetare, fushatë vetëdijesimi, apo aktiviteti politik e publik. Këto janë të pazëvendësueshme, por ajo që është e re ka të bëjë me diçka që ka ndikim shumë të madh në formësimin e të rinjve, jo vetëm për atë se çka mendojmë dhe themi, por edhe për atë se si dhe pse mendojmë. E kam fjalën hapësirat virtuale, rrjetet sociale ku tashmë ekziston një zonë tjetër e komunikimit dhe angazhimit politik ku të rinjtë krijojnë përmbajtje dhe e shpërndajnë atë në formë të organizuar. Të rinjtë e Lëvizjes tonë duhet të synojnë të jenë sa më aktiv në këtë zonë duke shpërndarë materialet tona por edhe duke provuar krijimin, përkatësisht zgjatimin e atyre materialeve përmes tekstit apo formave të tjera audiovizuale si mënyrë shumë e përshtatshme për diskutim me qytetarët dhe për mendim kritik e emancipim të përgjithshëm”, tha ndër të tjera kryetari Kurti.

“Puna e rrugëtimi i Lëvizjes me bindje të plotë mund të quhet epitomë e rezistencës, e qëndresës, e këmbënguljes drejt arritjes së realizimit të qëllimeve jo lehtë të realizueshme. Shpresa, këmbëngulja, e rezistenca, por mbi të gjitha besimi; veti këto që duhet, e që në fakt edhe janë përcaktuese të aktivistit tipik të Lëvizjes, uroj që të ju përcjellin deri në fund të mandatit, e edhe më tutje”.

Kryetari i organizatës Rinia për VETËVENDOSJE!, Behar Jashari fillimisht ju uroi secilit e secilës punë të mbarë në detyrat që kanë marrë e në përgjegjësitë që bartin tash e tutje.

“Rinia për VETËVENDOSJE! është organizatë e sapoformuar. Por kjo tregon më pak se ç’jemi. E edhe më pak për atë se çfarë e sa do arrijmë. Rreth vetes kemi përvojën e mjaftueshme, në vete energjinë e nevojshme dhe mbi të gjitha vullnetin e palëkundur që të punojmë e të zhvillohemi bashkarisht. Ndër ne vlon dëshira për përmirësim të vazhdueshëm. Këtë dëshirë, e që në thelb është domosdoshmëri, prandaj rrjedhimisht edhe e ndjejmë si nevojë, me patjetër do na duhet ta përkthejmë në punë të pakursyer. Punë kjo që duhet të karakterizohet me e të jetë përplot përkushtim e seriozitet. Aktivitetet tona, përveç organizimit të mirëfilltë, do të kenë edhe përmbajtje që përkon me kërkesat dhe interesat e pjesës së shoqërisë të cilën e përfaqësojmë e për të cilën punojmë ne. Sepse, mos të harrojmë, ne jemi këtu për rininë që veçse është e angazhuar në Lëvizje, por duke pasur gjithnjë në mendje edhe të rinjtë e të rejat që iu duhet e do duhej të ishin në Lëvizje”, tha kryetari i RVV, Behar Jashari.

“Le ta nisim me këmbë të mbarë këtë rrugëtim e angazhim, për të intensifikuar punën tonë drejt qëllimeve e objektivave të përbashkët. Vrullin ëndërrimtar le ta përdorim për të vënë në lëvizje veten dhe shoqërinë. Na priftë e mbara!”

Në mbledhjen e sotme konstituive Këshilli i organizatës Rinia për VETËVENDOSJE! zgjodhi strukturat për nivelin qëndror:

Kryesues i Këshillit të RVV – Libron Kelmendi

Zëvendëskryesues – Erion Beqiraj

Sekretare organizative – Lidiona Marovca

Anëtarë të kryesisë:

Dea Lala

Rea Krasniqi

Drita Dibrani

Arianit Beqiri

Blerton Vehapi

Vlera Kërleshi

Verona Mehmetaj

Arbnor Ademi

I nderuar kryetar i Lëvizjes VETËVENDOSJE!

Të nderuar deputete dhe delegate të Këshillit të Përgjithshëm,

Mirë se e gjejmë njëra tjetrën në mbledhjen e parë të KP të GVV.

Gratë për VETEVENDOSJE!, ka ardhur si nevojë për angazhim dhe organizim edhe më të fuqishëm të grave, për ta ndryshuar gjendjen së pari brenda nesh në Levizje e pastaj kjo do të ketë edhe impakt të madh edhe në shoqëri.

Nuk mund të mos e përmend faktin që, prania juaj sot këtu, më shton besimin që e ardhmja e vajzave dhe grave në Lëvizjen VETËVENDOSJE!, do të jetë e ndritur.

Me praninë tuaj sot këtu, kam besimin që të gjitha bashkë dhe shumë të tjera që do të na bashkohen, do të rrugëtojmë dhe do të punojmë në avancimin sa më të mirë të pozitës së gruas në LV por edhe në shoqëri.

Ne duam e do ta ndërtojmë së bashku një Lëvizje VETËVENDOSJE! ku ka vend për vajzat dhe gratë, po aq sa për djemt e burrat sepse organizata jonë sikur edhe shteti ynë  është edhe i grave po aq sa i burrave.

Si GVV, do të jemi të pakompromis kur vjen fjala tek barazia gjinore. Me strukturat dhe me anëtarësinë e GVV-së do të punojmë që të avancohemi si gra, të gjitha së bashku.

Nuk do të jemi forum që dëgjojmë burrat nga lartë, por jemi aktiviste politike që e kuptojmë gjendjen ku ndodhemi dhe duam ta ndryshojmë atë.

Gratë i kanë dëgjuar mjaftueshëm burrat, është koha që të dëgjohen gratë. Të dëgjohemi ne, secila. Tashmë kemi hapësirën tonë, GVV-në duhet ta shfrytëzojmë si vend ku e maksimizojmë angazhimin politik për barazi gjinore.

Anëtarësimi i grave dhe vajzave në GVV e në Lëvizje është kryeproriteti jonë, andaj duhet të angazhohemi aktivisht që të rrisim anëtarësinë me gra.

Sa më shumë që rritemi aq më të forta bëhemi. Andaj, ju lus që nga tash të ftoni vajza e gra të na bashkohen. Ne kemi kemi nevojë për secilën grua të këtij vendi.

Jemi të vetëdijshme për sfidat dhe barrierat, por do t’i tejkalojmë teksa lëvizim së bashku kundrejt patriarkatit dhe drejt barazisë gjinore. Sa më shpejt rrëzojmë të parën, aq më shpejt arrijmë të dytën.

Më lejoni të përmend që Qeveria jonë, është qeveria më progressive që ka pasur Kosova ndonjëherë. Vetëm brenda këtij 1 viti e gjysmë në qeverisje, ne kemi ndërmarrë shumë masa e veprime e vendime që prekin direkt vajzat dhe gratë sepse jemi të vëtëdijshëm me sfidat e vështirësitë që i kanë. 

Më lejoni të përmend shkurtimisht dhe të fillojë nga Ministria e Drejtësisë.

Reformat që kemi nisur në sistemin e drejtësisë do të ketë ndikim sidomos tek vajzat dhe gratë sepse pas jetësimit të reformës gratë nuk do të presin me vite të tëra për një vendim që lidhet me trashëgiminë, pronën, divorcin, kujdestarinë ndaj fëmijëve, apo mbrojtjen e dinjitetit të tyre në rastet kur kemi dhunë fizike, psiqike, seksuale apo materiale ndaj tyre.

Duke qenë përgjegjës për adresimin e politikave kundër dhunës në familje, deri tani:

• kemi miratuar Strategjinë Nacionale kundër dhunës në familje,
• kemi funksionalizuara grupin ndërministror kundër dhunës në familje
• kemi ndihmuar Kuvendin në hartimin e ligjit kundër dhunës në familje
• këtë vit kanë hyrë në fuqi ndryshimet që kanë të bëjnë me ofrimin e ndihmës juridike falas për vajzat dhe gratë viktima të dhunës
• kemi eliminuar procedurat burokratike për kompensimin e vikitmave të dhunës
• për herë të parë po hartohet protokolli shtetëror për trajtimin e dhunimeve seksuale
• për herë të parë është duke u hartuar dokumenti për trajtimin e dhunuesve,

si dhe në mbledhjen e fundit të Qeverisë:

• kemi bërë ndryshimet në Kodin Penal dhe atë të Procedurës Penale, ashtu që në rastet kur një person shpallet fajtor për veprën penale të dhunës në familje apo dhunimit seksual:
• do t’i ndalohet punësimi në institucione publike,
• do t’i ndalohet kandidimi në pozita qoftë në nivel lokal apo qendror
• do t’i merret leja e vozitjes
• nuk do të zbatohen rrethanat lehtësuese për dhunuesit
• trajtimi i këtyre lëndëve nuk do të zgjas më shumë se 1 vit si dhe
• emrat e dhunuesve do të publikohen ne faqen zyrtare të KGJK

Po ashtu përgjatë kësaj kohe janë ndërmarrë disa masa që prekin direkt gratë

Masa 1.3 Mbështetja e Punësimit të Grave: Në kuadër të kësaj mase kemi pasur 3,571 punëtore përfituese dhe 1,490 biznese përfituese.

Masa 2.1.2 Mbështetja e bizneseve që janë në pronësi të grave:

Deri më tani, në kuadër të kësaj mase kemi pasur 43 aprovime. Në total, vlera e subvencionimit është 491,988.40 euro kurse vlera e kreditimit të mundësuar është 3,076,432 euro

Masa 3.5 Shtesat për Fëmijë dhe Shtesat per Lehona: Që nga fillimi i skemës së Shtesave e deri më tani, kemi rreth 200 mijë përfituese nga Shtesat për Fëmijë dhe mbi 23 mijë përfituese nga Shtesat për Lehona.

• Mbështetje financiare për Strehimoret që në kuadër të tyre ofrojnë shërbime për viktimat e dhunës në familje dhe dhunës mbi bazë gjinore, në proces të mbrojtjes sociale dhe  ri-integrimit të tyre.

• MFPT ka  realizuar marrëveshje profesionale  për mbrojtjen dhe strehimin e viktimave të dhunës në familje me dhjetë (10) strehimore në nivel nacional të cilat janë;
• Për vitin 2021, për 10 strehimoret  shuma e mbështetjes ka qenë 545,000 euro;

Për vitin 2022, për 10 strehimoret  shuma e mbështetjes ka qenë 400,000 euro.

• Për vitin akademik 2021/2022,  janë ndarë bursat STEM, gjithësej 1365 bursa, ku 812 përfituese kanë qenë vajza/gra dhe 553 kanë qenë djemë. Shuma e mjeteve ka qenë në vlerë prej 1.000.
• Janë dhënë 14 bursa për studentë me nevoja të veçanta në vlerë prej 700 eurove,13 vajza dhe një djalë
• Janë përkrahur 10 vajza për bursë të doktoraturës.

Po ashtu sa i përket ndarjes së subvencioneve në bujqësi,  për vitin 2021 janë

1325, gra përfituese.

Të nderuara delegate, ka edhe shumë të tjera e do të kemi edhe shumë veprime që do t’i ndërmarrim. Shumë prej vendimeve e masave, do t’i kërkojmë ne si GVV.

Sepse sikurse në të kaluarën, kur pozita e gruas ishte larg të qenit e barabartë krahas burrave, në një nivel pak më mirë po sërish larg të qenit të barabartë është edhe sot ku gratë janë të pabarabarta me burrat.

Por sikurse jemi të vetëdijshme për këtë gjendje, nga leximet, nga historitë e disa edhe dëshmitare të kohrave të ndryshme, ndër vite kemi pasur edhe gra që thyen edhe kufijtë për të avancuar gruan kudo.

Madje çlirimi dhe avancimi i pozitës së grave në një shoqëri të caktuar, ndikoi në ngritjen dhe çlirimin e grave edhe në të tjera shoqëri.

Ne këtu, jemi gra me profesione të caktuara dhe veprojmë në vende të ndryshme e komuna të ndryshme. Pavarësisht kësaj, unë jam e vetëdijshme që secila prej nesh kemi kauzën e përbashkët, ngritjen e pozitës së gruas në organizatë, shoqëri, në institucione dhe kudo tjetër.

Gratë në politikë, nuk do të jetë pikëmbërritja më e arritur e gruas.

Avancimi i cilësdo grua në cilindo institucion, nuk do të jetë përmirësim apriori i pozitës së grave të tjera,- shumë prej të cilave në heshtje bartin peshën e rëndë të pabarazisë.

Gratë në politikë, duhet të jenë mundësia për përmirësimin e gjendjes së vajzave dhe grave, derisa gratë e papuna dhe punëtore të trajtohen me dinjitet. Në shtëpi dhe në vendin e punës, në lagje, fshat e qytet….gjatë ndarjes së trashëgimisë e me regjistrim të pasurisë në emër të grave, në konkurset qoft në nivel publik apo privat.

Kjo nuk do të jetë punë e lehtë por kur mbledhim forcat e energjitë tona, jam e bindur po ashtu edhe në jetësimin e synimeve që kemi.

Është detyrë e jona që në këtë kauzë të rëndësishme për emancipim të shoqërisë, të jemi bashkë, por jo vetëm gratë. Shkrimtarja e njohur, feministja amerikane që ndrroi jetë në fund të vitit të kaluar, Bell Hooks, në titullin e librit të saj të famshëm që ndikoi në progresin feminist, thoshte që “Feminizmi është për të gjithë”.

Sigurisht, në aspiratën tonë të barazisë nuk do të presim asnjëherë që t’i prijnë burrat aktivist, por se ata duhet dhe do të jenë krahas nesh. Ata duhet dhe do të jenë mbështetësit e kësaj kauze, e cila do të fitojë kundrejt çdo shtypje sado të kamufluar.

Dhe deri sa barazia të jetë frymë në të cilën brezat do të edukohen, dhe e cila do të ndihmojë njeriun, shoqërinë, botën.

Të dashura delegate, disa prej nesh kemi role të caktuara që me siguri nuk do të jenë të përhershme. Prandaj kudo ku jemi e kudo ku veprojmë është i rëndësishëm angazhimi ynë.

Le të angazhohemi për pozitën e grave, për ato se çka jemi dhe do të mbesim për herë.
Le të përpiqemi sa më shumë, sepse ne edhe kemi mundësi më shumë.

Ju falemnderit gjithave e na priftë e mbara!

Të nderuar delegatë të Këshillit të Përgjithshëm të Rinisë për VETËVENDOSJE!, 
I dashuri kryetar i Rinisë për VETËVENDOSJE!, Behar Jashari,                                                             
Të nderuar aktivistë e aktiviste,
Të nderuar të pranishëm,

Në këtë mbledhje të parë të Këshillit të Përgjithshëm të organizatës së re të formuar, Rinia për VETËVENDOSJE!, është kënaqësi për mua t’ju uroj mirëseardhje dhe njëkohësisht ta gjejmë njëri tjetrin këtu bashkë duke uruar e dëshiruar fillim të mbarë të punës, megjithëse realisht kjo strukturë është formuar pak kohë më parë.

Tashmë me formimin e kësaj organizate që në vetvete përmban struktura e organizim më të detajuar, vetvetiu krijohet e shtresohet edhe më shumë ajo që e ka karakterizuar gjithnjë Lëvizjen VETËVENDOSJE!, aktivistin e saj. Përgjegjësia e vetëdija për atë që e rrethon e mbi atë që kontribuon. Mbi supet tuaja e mbani përvojën e angazhimit, entuziazmin e vullnetit, vendosshmërinë e qëndrimit e zellin e punës.

Sa herë janë përmendur të rinjtë e kurdoherë që janë angazhuar të veprojnë në situata që na prekin të gjithëve, ndjeshëm e vetvetiu mendja të gjithëve u ka shkuar tek Lëvizja VETËVENDOSJE!. S’do shumë mend për t’u hamendësuar pse është ky konotacion i tillë.

Është elani i të rinjve ai që vazhdon ta përçojë frymën aktive te Lëvizja jonë dhe prandaj është themeluar një organizim enkas për rininë. Përgjatë rrugëtimit tonë që ka nisur e mandej ka kulmuar, e vazhdimisht është zhvilluar e i cili po vazhdon nga të rinjtë e të rejat, nuk është ndjerë e as parë si i nevojshëm trajtimi e as adresimi i aktivistëve të rinj si pjesë e vaçantë e ndarë si pjesë veçmas e Lëvizjes sonë, sepse janë trajtuar si tërësi e pandashme e homogjene e Lëvizjes të gjithë njësoj mirëpo kjo nuk ka ndryshuar as tani.

Megjithatë, një strukturim i tillë për rininë çfarë po e bëjmë ne tani do të hapë qasje më të lehtë për të krijuar e për t’u kyçur në veprimtari konkrete që ndërlidhen me Lëvizjen dhe çështjet me interes për rininë. Ky strukturim, që më shumë se ndarje e përgjegjësive, është rritje e koncentrim i tyre tek ata individë që janë të përgjegjshëm, të besueshëm e bashkëpunues. Pra, përgjegjësia do të jetë edhe për krijimin e një atmosfere të përbashkët të operimit për të mirën kolektive e për parimet të cilat i mban me krenari Lëvizja VETËVENDOSJE!.

Më vjen mirë të shoh sot se shumë prej jush që jeni tashmë kryetarë e kryetare të RVV-së nëpër Qendrat e Lëvizjes në gjithë Kosovën dhe një pjesë prej jush, deputetë e deputete, asambliste e asamblistë, pra në funksione të rëndësishme institucionale, nacionale e lokale, dhe në këtë mënyrë e përbashkëta e juaja në këtë organizatë RVV vije përpos punës e angazhimit disa vjeçar në Lëvizje,  gjithashtu edhe si kanalizim i këtij përkushtimi në formë më të përqendruar e përmes kësaj organizate të re.

Natyrisht që problematikat e çështjet që doni e ndjeni se duhet t’i ngrisni, zërat, propozimet e pakënaqësitë që do përfaqësoni, do të kalojnë nëpër strukturat e RVV-së, struktura këto në të cilat ju së pari, por jo të vetëm, do të siguroheni që gjithçka dhe gjithsecili të trajtohet me nivel të lartë serioziteti e maturie, barazie e mosdiskriminimi, e kurrsesi me neglizhencë e pandjeshmëri. Pra, duhet ta bëni Rininië për VETËVENDOSJE! ashtu qysh e doni që VETËVENDOSJE! të jetë për rininë, dhe jo vetëm.  E për këto nuk kam dyshim, sidomos marrë parasysh se kemi shumë aktivistë e aktiviste shembullore të cilët janë në këtë Këshill të RVV-së.

Të pakënaqur me grupet e vjetra politike dhe me bëmat ose mungesën e tyre të rinjtë përherë janë angazhuar në mënyrë formale dhe jo formale në Lëvizjen tonë duke marrë pjesë si në aktivitete edukuese për çështje shoqërore dhe politike ashtu edhe në angazhime konkrete për ndryshimet progresiste që kemi synuar. Pra, Lëvizja jonë gjithnjë është frekuentuar nga të rinjtë sepse te ne përmes diskutimit dhe aktivitetit të sinqertë është ndërtuar besimi i ndërmjetëm që ka tejkaluar rëndësinë e moshës. Urat që i kemi krijuar me njëri tjetrin kanë urëzuar cfarëdo hendeku të gjeneratave apo të brezave e këtë kohezion duhet ta kultivojmë tutje e sidomos përmes aktiviteteve edukative.  

Krahas diskutimeve të hapura me karakter edukativ që organizojmë ne, të rinjtë tanë duhet të angazhohen e të marrin pjesë edhe në takime e tubime të tjera publike ku flitet për çështje të rëndësishme shoqërore e politike të cilat nuk janë të organizuara nga Lëvizja VETËVENDOSJE! e ku flitet për çështje të rëndësishme shoqërore, politike, kulturore e të tjera. Në këto takime, më shumë duke dëgjuar të ftuarit dhe duke ju qasur me një të folur të thjeshtë e të kuptueshme temës në fjalë, përveç krijimit të lidhjeve të reja që duhet të jetë padyshim synim, shpërndahet edhe arsyetimi ynë për çështjen në fjalë. Të rinjtë tanë edhe pse pjesë e subjektit më të madh në vend e në Kuvend që qeverisë me vendin, duhet të tregohen modestë, të sinqertë dhe autentik me të tjerët. Duhet përkrahur e mbështetur të gjithë ata që mundohen të bëjnë diçka sado e vogël për komunitetin, për fshatin apo qytetin.  

Rinia për VETËVENDOSJE! duhet të jetë një organizatë mirëseardhëse për vajzat dhe gratë. Ato duhet të ndihen të sigurta për ta dhënë kontributin e tyre. Duhet inkurajuar gratë e reja që përveçse në GVV të jenë edhe në RVV e njëherazi duhet inkurajuar vajzat në RVV që të jenë aktive edhe në GVV.

Pjesëmarrja e të rinjve në politikë nuk është thjeshtë e karakterit elektoral ku votohet, e madje nuk është më as thjeshtë e pjesëmarrjes në ndonjë punë vullnetare, fushatë vetëdijesimi, apo aktiviteti politik e publik. Këto janë të pazëvendësueshme, por ajo që është e re ka të bëjë me diçka që ka ndikim shumë të madh në formësimin e të rinjve, jo vetëm për atë se cka mendojmë e thojmë, por edhe për atë qysh e pse mendojmë. E kam fjalën hapësirat virtuale, rrjetet sociale ku tashmë ekziston një zonë tjetër e komunikimit dhe angazhimit politik ku të rinjtë krijojnë përmbajtje dhe e shpërndajnë atë në formë të organizuar. Të rinjtë e Lëvizjes tonë duhet të synojnë të jenë sa më aktiv në këtë zonë duke shpërndarë materialet tona por edhe duke provuar krijimin, përkatësisht zgjatimin e atyre materialeve përmes tekstit apo formave të tjera audiovizuale si mënyrë shumë e përshtatshme për diskutim me qytetarët dhe për mendim kritik e emancipim të përgjithshëm.

Të rinjtë sot gjithandej botës angazhohen politikisht më shumë se kurrë më parë. Keni parë fushata, aktivitete vullnetare humanitare, organizime protestash e shpikje të gjithfarëllojshme që për synim kanë përmirësimin e jetës në komunitete, në qytete dhe shtete të ndryshme anembanë globit. Këso angazhimi kemi edhe tek të rinjtë tanë, por ajo që e vuajmë sot botërisht sidomos si subjekte të majta progresiste është angazhimi joformal politik i të rinjve. Duhet të angazhohemi që të rinjtë tanë të bëhen pjesë e organizatës tonë, të anëtarësohen dhe kështu shprehja e punës së tyre në shërbim të ndryshimit të përgjithshëm pozitiv të jetë e strukturuar dhe me një të ardhme, të jetë e qëndrueshme, sistemike e jo sporadike dhe e përkohshme.

Puna e rrugëtimi i Lëvizjes me bindje të plotë mund të quhet epitomë e rezistencës, e qëndresës, e këmbënguljes drejt arritjes së realizimit të qëllimeve jo lehtë të realizueshme. Shpresa, këmbëngulja, e rezistenca, por mbi të gjitha besimi; veti këto që duhet, e që në fakt edhe janë përcaktuese të aktivistit tipik të Lëvizjes, uroj që të ju përcjellin deri në fund të mandatit, e edhe më tutje.

Unë tash fjalën ia kaloj kryetarit të RVV-së, Beharit, për të vazhduar më pas delegatët e Këshillit të Përgjithshëm të po kësaj organizate, me urimin e besimin se për cilëndo sfidë e vështirësi potenciale në të cilën do mund të hasni gjatë rrugës të keni si shembull rrugëtimin nëpër të cilin ka kaluar vetë Lëvizja, rrugëtimin në të cilin Lëvizja kaloi për të qenë kjo që është sot, si dhe mësimet që Lëvizjes iu desh t’i nxirrte nga i gjithë ky rrugëtim; mësime këto që me observimin e pjekurinë e duhur s’kanë se si të mos shërbejnë për përmirësim të vazhdueshëm e të pandërprerë. Përmirësim ky që asnjëherë nuk është i mjaftueshëm e që gjithnjë mbetet i dëshirueshëm.

E ardhmja e Lëvizjes varet e ndërtohet nga ju, madje shumë më shumë edhe sesa nga unë.

Andaj ju priftë e mbara e punofshit e dalëshit faqebardhë!

E nderuara kryetare e GVV-së, znj. Albulena Haxhiu,

Të nderuara deputete e asambleiste,

Të nderuara kryetare të GVV-së në Qendrat tona,

Të nderuara delegate të Këshillit të Përgjithshëm të GVV-së,

Shumë të dashura aktiviste të Lëvizjes,

Solidariteti mes grave është real dhe atë e shohim çdo ditë. Gra që e lavdërojnë një grua tjetër tashmë është bërë dukuri pozitive e progresiste në vendin tonë, dhe ky organizim i juaji do të thotë po ashtu punë e dyfishtë e grave në politikë.

Sikurse ju sot që jeni ju sot në këtë Këshill, pikërisht nesër shumica prej jush do të jeni në Këshill të Përgjithshëm, ndërkaq shumica e burrave aktivistë sot e kanë pushim me përjashtim timin, Alimit e Samiut.

Jemi të vetdijshëm për sfidat e shumta që kanë gratë në Lëvizjen VETËVENDOSJE! dhe njëkohësisht ju nuk duhet të harroni asnjëherë programin e Lëvizjes VETËVENDOSJE! dhe të merreni edhe me çështjet e barazinë gjinore, por edhe me temat aktuale si të tilla gjithnjë duke mos e harruar çështjen e barazinë gjinore. Por, as ne të tjerët të cilët nuk jemi pjesë të kësaj stukture le të mos harrojmë të merremi me atë për çfarë angazoheni ju, pra për barazinë gjinore.

Gratë dhe Rinia shumë mirë që janë shndërruar në kryetema, sepse edhe gratë edhe rinia duhet të kenë vëmendje të shtuar. Nuk mund të jemi shtet demokratik pa pjesëmarrjen e të gjitha kategorive shoqërore. Pjesëmarrja e barabartë e grave dhe rinisë në subjekte politike e në shoqëri është parakusht i demokracisë dhe nuk ka dyshim që Gratë dhe Rinia përbëjnë shumicën dërmuese të popullsisë sonë, e demokracia është vend i shumicës.

Jemi të bindur se fuqizimi i grave do të thotë fuqizim i shoqërisë dhe se avancimi i të drejtave të grave është avancim i të  drejtave njerëzore. Kemi filluar punën intenzive për krijimin e hapësirave të reja për gra në LVV. Gratë duhet të kenë organet e tyre të posaçme për ta fuqizuar rolin dhe rëndësinë e tyre në Lëvizje, duke përfshirë struktura dhe mekanizma të reja që iu shërbejnë dhe iu ndihmojnë në angazhimin për emancipim gjinor e shoqëror.

Lëvizja VETËVENDOSJE! siç e dimë të gjithë ne bashkë sapo doli nga një mision shumë i rëndësishëm i zgjedhjeve të brendshme, nga ky proces demokratik i cili për herë të parë kemi dy organizata të reja në VETËVENDOSJE!, Rinia për VETËVENDOSJE! dhe Gratë për VETËVENDOSJE!. Krijimit të këtyre dy organizatave (GVV dhe RVV) i ka parapri një sërë diskutimesh të brendshme për reformë organizative që më pas kanë rezultuar me ndryshime statutore ku janë integruar në statusin e LVV, kësisoj tani janë konstituuar këto dy organizata në këto zgjedhje të brendshme të LVV-së që sapo kanë përfunduar.

Organizata “Gratë për VETËVENDOSJE! është krijuar si një hapësirë e re e organizimit dhe artikulimit të kauzës feministe për barazi e drejtësi gjinore.

Gratë anëtare dhe aktiviste të VETËVENDOSJE!-s gjithnjë e kanë pasur angazhimin e dyfishtë, sa me politika të përgjithshme po aq edhe me ato gjinore sepse në krye të herës është kuptuar që shoqëria patriarkale e ndrydh së pari gruan. Edhe tani me organizimin e GVV-së do ta keni angazhimin e dyfishtë sa në GVV, po aq edhe në Lëvizje VETËVENDOSJE! dhe për këtë më vjen keq, por jam i bindur se gratë do t’ia dalin me kauzat e tyre sepse edhe ne do t’i ndihmojmë pakursim.

Në fakt, nëse i shohim zgjedhjet e fundit parlamentare gratë kanë arritur të korrin suksese të paimagjinueshme dy vite më parë. Më lejoni të përmend dy pika të rëndësishme që edhe neve si LVV na kanë shtyrë të reflektojmë që na nevojiten hapësira, mundësi, sturktura të reja për angazhimin e grave.

E para është tejkalimi i kuotës gjinore.

Asnjë grua në Grupin Parlamentar të listës Lëvizja VETËVENDOSJE! në Kuvendin e Republikës nuk ndodhet aty duke ju falënderuar kuotës. Që të gjitha janë aty për shkak se qytetarët kanë dashur të jenë aty.

Dhe, e dyta 62% e votave tona janë të grave votuese.

Kjo është e pashembullt në Kosovën e pasluftës, në rajon dhe më gjërë.

Zgjedhjet parlamentare të 14 shkurtit kanë qenë mësim i shumëfishtë për neve. Përveçse është votuar LVV në mënyrë plebishitare, votimi masiv i grave për ne dhe i grave brenda listës sonë që e tejkaluan kuotën ka qenë dëshmi që populli na ka tejkaluar neve dhe minimumi që ne duhet të bëjmë është ta ndjekim atë (popullin).

Nëse ne prijmë për disa cështje e tema të caktuara kauza e barazisë gjinore, ne duhet ta ndjekim popullin i cili po na prinë neve. Minimumi që mund të bëjmë është ta ndjekim popullin, sepse popullin e kemi lider dhe në këtë kuptim përgjegjësia jonë është shumë e madhe sepse është jo vetëm ndaj gruas po është edhe ndaj popullit i cili kaq shumë deshi që në përfaqësim të kemi gra ne institucionet e shtetit. Këto dy çështje na kanë shtyrë të punojmë më shpejtë në reformën organizative dhe si rezultat tanimë e kemi GVV-në si strukturë.

Gratë për VETËVENDOSJE! është organizim që ne besojmë që do ta shtojë intensitetin e  angazhimit për avancimin e të drejtave të grave. Ka pikënisje angazhimin e shumë grave në VV e në shoqëri por synimet janë të përparojmë më shpejtë. Ka shumë kohë të humbur në vendin tonë andaj shpejtësia është shumë e rëndësishme. Nëpërmjet angazhimit të saj GVV-ja synon që ta fuqizojë solidaritetin gjinor dhe pjesëmarrjen e grave në jetën shoqërore, si dhe angazhohet për barazi të plotë në mes të gjinive. Baza e saj deleguese është nga poshtë, pra tamam si demokraci, nga lagja e fshati. Pra, nga skajet në qendër.

Solidariteti është i domosdoshëm pikërisht në kohën kur konkurrenca duket që e dominon bashkimin. Konkurrenca në demokraci është e paevitueshme, është edhe vlerë mirëpo konkurrenca pa bashkëpunim shndërrohet në rivalitet e në kundërshti e cila nuk është produktive. Konkurrenca gjithmonë duhet të jetë e shoqëruar me bashkëpunim. Prandaj solidariteti gjinor është i domosdoshëm. Avansimi i të drejtave të grave bëhet me ligje e me rregulla, me kuota e me standarde por duhet të jetë edhe me solidaritet gjinor organizativ të të gjithave.

Për bindjen time GVV-ja me punën e saj do të shërbejë si forcë primare për ta ndryshuar realitetin e ashpër për gratë duke kontribuuar që shoqëria jonë të braktisë mënyrat e vjetra të të menduarit patriarkal. Unë si kryetar i LVV dhe si kryeministër angazhohem parezervë për krijimin e Republikës sonë vend të barabartë e të drejtë.

Për të rinjtë dhe të rejat është evidente që LVV është mbizotëruar nga ta edhe si numër edhe si angazhim. Demografia jonë tregon që mosha mesatare në Kosovë është 31 vjeç. Pra, jemi popullsi e re dhe është e domosdoshme që anëtarët e ri, ta kenë një hapësirë ku i artikulojnë politikat që i prekin ata. Rinia janë edhe e tashme edhe e ardhmja jonë, andaj subjektet politike duhet të krijojnë më shumë teren për rininë, më shumë platforma e mundësi për ta. Ne si Lëvizje kemi menduar këtë me themelimin e organizatës Rinia për VETËVENDOSJE!

RVV si organizatë e re në VETËVENDOSJE! do të shtojë intensitetin e aktiviteteve dhe mprehtësinë e artikulimit politik. RVV do ta rrisë shpejtësinë e Lëvizjes, kurse Lëvizja do ta rrisë bazën e rinisë. E them këtë duke pasë parasysh se do të kemi jo pak anëtarë e anëtare që do të jenë në të dy këto organizata të reja të Levizjes sonë, edhe ne GVV edhe ne RVV.

Me binomin e ri, Gratë dhe Rinia, perspektiva për Lëvizjen dhe për shoqërinë do të zgjerohet.

Na duhen politika barazimtare por edhe organizim. Disa politika veçse i kemi ndërmarrë, por shumëçka mbetet të jetësohet. Por organizimi nuk mbaron kurrë. Ai na vë neve në lëvizje. Andaj, unë e shoh këtë organizim tuajin sot si vullnet për t’i lëvizur gjërat edhe më tej, edhe më shumë për të mbarë e për të mirë. 

Ju falemnderit e ju dëshiroj shumë suksese.

Organizata Gratë për VETËVENDOSJE! është krijuar si hapësirë e re e organizimit dhe artikulimit të kauzës feministe në Lëvizjen tonë.

Sot, Lëvizja VETËVENDOSJE! mbajti mbledhjen e parë të Këshillit të Përgjithshëm të organizatës së saj të ndërvarur “Gratë për VETËVENDOSJE!”. Në këtë mbledhje morën pjesë kryetari i Lëvizjes VETËVENDOSJE!, Albin Kurti, kryetarja e GVV-së, Albulena Haxhiu dhe të gjitha delegatet e organizatës së GVV nga qendrat tona.

Në fjalën e tij kryetari Kurti tha se jemi të bindur se fuqizimi i grave do të thotë fuqizim i shoqërisë dhe se avancimi i të drejtave të grave është avancim i të drejtave njerëzore. Gratë duhet të kenë organet e tyre politike për ta fuqizuar rolin dhe rëndësinë e tyre në Lëvizje, duke përfshirë struktura dhe mekanizma të reja që iu shërbejnë dhe iu ndihmojnë në angazhimin për emancipim gjinor e shoqëror.

“Gratë anëtare dhe aktiviste të VETËVENDOSJE!-s gjithnjë e kanë pasur angazhimin e dyfishtë, sa me politika të përgjithshme po aq edhe me ato gjinore sepse që në krye të herës është kuptuar që shoqëria patriarkale e ndrydh së pari gruan. Edhe tani me organizimin e GVV-së do ta keni angazhimin e dyfishtë sa në GVV, po aq edhe në Lëvizjen VETËVENDOSJE! dhe për këtë më vjen keq, por jam i bindur se gratë do t’ia dalin me kauzat e tyre sepse edhe ne do t’i ndihmojmë pa kursim”, tha kryetari Kurti.

“Unë si kryetar i LVV dhe si kryeministër angazhohem pa kursim për krijimin e Republikës sonë vend të barabartë e të drejtë”.

Ndërsa kryetarja e Organizatës Gratë për VETËVENDOSJE!, Albulena Haxhiu, tha se “Gratë për VETËVENDOSJE!” ka ardhur si nevojë për angazhim dhe organizim edhe më të fuqishëm të grave, për ta ndryshuar gjendjen së pari brenda nesh në Lëvizje e pastaj kjo do të ketë edhe impakt të madh edhe në shoqëri, dhe se duam e do ta ndërtojmë së bashku një Lëvizje ku ka vend për vajzat dhe gratë, po aq sa për djemt e burrat sepse organizata jonë sikur edhe shteti ynë është edhe i grave po aq sa i burrave.

“Si GVV, do të jemi të pakompromis kur vjen fjala tek barazia gjinore. Me strukturat dhe me anëtarësinë e GVV-së do të punojmë që të avancohemi si gra, të gjitha së bashku. Anëtarësimi i grave dhe vajzave në GVV e në Lëvizje është kryeproriteti jonë, andaj duhet të angazhohemi aktivisht që të rrisim anëtarësinë me gra”, tha kryetarja Haxhiu.

“Gratë në politikë, duhet të jenë mundësia për përmirësimin e gjendjes së vajzave dhe grave, derisa gratë e papunësuara dhe punëtore duhet të trajtohen me dinjitet. Në shtëpi dhe në vendin e punës, në lagje, fshat e qytet, gjatë ndarjes së trashëgimisë e me regjistrim të pasurisë në emër të grave, në konkurset qoftë në nivel qendror apo privat”.

Në mbledhjen e sotme konstituive Këshilli i organizatës Gratë për VETËVENDOSJE! zgjodhi strukturat e saj në nivelin qëndror:

Kryesuese e Këshillit të GVV – Fatmire Mulhaxha Kollçaku

Zëvendëskryesuese – Violeta Emini Salihu

Nënkryetare- Tinka Kurti

Sekretare organizative – Agnesa Kastrati

Anëtare të kryesisë:

Saranda Bogujevci

Fitore Pacolli

Nazlie Balaj

Arieta Fejza

Arijeta Rexhepi

Shaipe Metaj Isufi

Fatmire Cecelia

Nita Shehu

Rinë Zhitia

Kanë përfunduar zgjedhjet e brendshme edhe në Qendrat e Lëvizjes VETËVENDOSJE! në mërgatë.

Në katër Qendra të mëdha të LV, anëtarësia jonë ka votuar për Kryetar Qendre, kurse në pesë Qendra po ashtu të mëdha, Kryesia e Lëvizjes VETËVENDOSJE! ka caktuar pesë koordinatorë të rinj.

Në Suedi, anëtarësia e Lëvizjes tonë ka zgjedhur si kryetar Zenel Zenelin. Në Danimarkë, për kryetare Bernarda Begun. Në Britani të Madhe, për kryetar Qendrim Krasniqin, dhe në ShBA për kryetar Edmond Pruthin.

Ndërkaq, Kryesia e Lëvizjes VETËVENDOSJE! ka caktuar koordinatorët për qendrat si në vijim: Për Qendrën e LV në Zvicër, koordinator është caktuar Besim Neziri. Për Qendrën e LV në Itali, Erald Korra. Për Qendrën në Finlandë, Bujar Hajdini. Për Norvegji, Kaltrina Lajçi. Për Benelux, koordinatore është caktuar Lirije Zeneli.

Qendra e Lëvizjes VETËVENDOSJE! në Prishtinë mbajti sot konferencë për media pas vendimit për caktimin e seancës ndaj padisë dhe kërkesës për vendosjen e masës së përkohshme për projektin e dyshimtë të NPB-së dhe kompanive të tjera.

Sekretari i Qendrës së Lëvizjes në Prishtinë, Egzon Azemi tha se tash e një vit jemi dëshmitarë të përpjekjes për grabitjen e 17 mijë m2 hapësirë publike në qendër të kryeqytetit tonë. Kjo pronë e qytetarëve është vendosur në shënjestër të mafias së ndërtimit dhe pastrimit të parasë falë veprimeve të paligjshme të ish bordit të Ndërmarrjes Publike Banesore, përmes kryeshefit Hajdar Hoxha, dhe tolerimit në mosbashkëpunim të ish Kryetarit të Komunës dhe ish drejtorëve të tij.

“Sigurisht pas gjithë këtyre shkeljeve dhe pas reagimeve që ngritëm, Prokuroria konfirmoi hetimet dhe policia u urdhërua të kryej bastisjet në zyrën e NPB-së. Ju bëjmë thirrje iniciuesve të këtij projekti, atyre që po i mbrojnë e mbështesin, atyre që po provojnë të ndërhynë edhe në sistemin e drejtësisë, që mos të provojnë t’i prekin provat apo njerëzit që po interesohen në zbardhjen e këtij rasti jashtëzakonisht të dëmshëm e të dyshimtë ngase të gjithë jemi me sytë tek ju. Por veçanërisht prokuroria’’, tha Azemi.

Ndërsa Këshilltari Komunal i Lëvizjes VETËVENDOSJE! në Prishtinë, Gëzim Sveçla tha se u deshën plot 71 ditë që gjykata të mbajë seancën ku do duhej të mbrohen 17 mijë metra katrorë pronë publike. Edhe pas kësaj po vazhdon heshtja e Kryetarit të Komunës së Prishtinës, Përparim Rama, që paraprakisht këtë Ndërmarrje ia la nën kujdesje aksionarëve të PDK-së.

“Heshtja në këtë rast është tolerim i krimit. Në vend se Komuna të bashkohej me ne në këtë padi, Komuna nëpërmjet NPB ka sjellë sot përgjigje në padinë tonë ku e mbron këtë projekt të paligjshëm e për më keq, mbrojtja e kompanive private në sinkronizimin me Komunën, pra NPB, mbrojnë veprimet e bëra nga ata që tani janë në hetim nga prokuroria. Çfarë mund të thuhet më shumë, përveçse figurë e krimit të organizuar”, përfundoi Sveçla.

Qendra e Lëvizjes VETËVENDOSJE! në Prishtinë mbajti sot konferencë për media pas vendimit për caktimin e seancës ndaj padisë dhe kërkesës për vendosjen e masës së përkohshme për projektin e dyshimtë të NPB-së dhe kompanive të tjera.

Sekretari i Qendrës së Lëvizjes në Prishtinë, Egzon Azemi tha se tash e një vit jemi dëshmitarë të përpjekjes për grabitjen e 17 mijë m2 hapësirë publike në qendër të kryeqytetit tonë. Kjo pronë e qytetarëve është vendosur në shënjestër të mafias së ndërtimit dhe pastrimit të parasë falë veprimeve të paligjshme të ish bordit të Ndërmarrjes Publike Banesore, përmes kryeshefit Hajdar Hoxha, dhe tolerimit në mosbashkëpunim të ish Kryetarit të Komunës dhe ish drejtorëve të tij.

“Sigurisht pas gjithë këtyre shkeljeve dhe pas reagimeve që ngritëm, Prokuroria konfirmoi hetimet dhe policia u urdhërua të kryej bastisjet në zyrën e NPB-së. Ju bëjmë thirrje iniciuesve të këtij projekti, atyre që po i mbrojnë e mbështesin, atyre që po provojnë të ndërhynë edhe në sistemin e drejtësisë, që mos të provojnë t’i prekin provat apo njerëzit që po interesohen në zbardhjen e këtij rasti jashtëzakonisht të dëmshëm e të dyshimtë ngase të gjithë jemi me sytë tek ju. Por veçanërisht prokuroria’’, tha Azemi.

Ndërsa Këshilltari Komunal i Lëvizjes VETËVENDOSJE! në Prishtinë, Gëzim Sveçla tha se u deshën plot 71 ditë që gjykata të mbajë seancën ku do duhej të mbrohen 17 mijë metra katrorë pronë publike. Edhe pas kësaj po vazhdon heshtja e Kryetarit të Komunës së Prishtinës, Përparim Rama, që paraprakisht këtë Ndërmarrje ia la nën kujdesje aksionarëve të PDK-së.

“Heshtja në këtë rast është tolerim i krimit. Në vend se Komuna të bashkohej me ne në këtë padi, Komuna nëpërmjet NPB ka sjellë sot përgjigje në padinë tonë ku e mbron këtë projekt të paligjshëm e për më keq, mbrojtja e kompanive private në sinkronizimin me Komunën, pra NPB, mbrojnë veprimet e bëra nga ata që tani janë në hetim nga prokuroria. Çfarë mund të thuhet më shumë, përveçse figurë e krimit të organizuar”, përfundoi Sveçla.