Në një vizitë në fshatin Kramovik të komunës së Rahovecit, kandidati ynë për kryetar, Visar Korenica bashkë me prijësin e Listës tonë fituese, Leonard Morina dhe kanidaten Doruntina Halilaj kanë takuar e bashkëbiseduar me banorët e këtij lokaliteti.

Në vazhdën e fushatës sonë për ndryshimin e 17 tetorit, aktivistët tanë dëgjuan brengat e banorëve për anashkalimin që i është bërë këtij fshati nga pushteti aktual, për shumë halle e derte me të cilat kramovikasit përballen në baza ditore.

Si shqetësime të mëdha, banorët kanë përmendur rrugët e pashtruara, mungesën e parqeve, pastaj problemet me energji elektrike si pasojë e neglizhencës së komunës, probleme me derdhjen e ujërave të zeza e probleme me ujë të vaditjes.

Lëvizja VETËVENDOSJE! premton se do t’i trajtojë këto probleme me përkushtim të sinqertë, duke u koordinuar edhe me nivelin qëndror për t’i dhënë zgjidhje të merituar problemeve që banorët tash e shumë vite po përballen.

Sot, kryetari i qendrës së Lëvizjes VETËVENDOSJE! në Skënderaj, njëherish bartës i listës tonë garuese Hysni Mehani, së bashku me disa aktiviste, ishin për vizitë në fshatin Kotorr, në mbështetje të kandidates, Egzona Xhemajli. Problemet me rrugë, kanalizim e ujësjellës ishin ndër temat kryesore që u diskutuan në këtë takim.

144
21
#VVendosMeLëvizjen
#BashkëQeverisim

Ndejat me të rinjtë janë gjithmonë të këndshme. Ashtu ishte edhe kafja që pimë së bashku me rininë mitrovicase dhe deputetin Armend Muja.

Shumë prej tyre tashmë kanë kryer shkollim, e të tjerët janë në prag të daljes në treg të punës. Ne po kujdesemi që me politikat zhvillimore të hapim rrugë për të rinjtë.

Në bashkëpunim me Qeverinë Kurti do të kthehemi edhe njëherë në kohën kur të diplomuarve mitrovicas, nga fakulteti u duhej vetëm të shkonin deri në Trepçë, pjesa tjetër ishte karrierë dhe krenari.

Kryetari i komunës dhe kryetari në ardhje, prof. dr. Mytaher Haskuka, bashkë me zëvendësministrin e Ministrisë së Kulturës, deputetët Arbër Rexhaj e Erxhan Galushi, si dhe kandidatët për Kuvendin Komunal, Faruk Tahiri, Violeta Turtulla, Shaban Kalanderi, Lindita Purova dhe Ejona Hoxha, mbajtën një tubim në lagjen “10 Qershori”.

Banorët e lagjes “10 Qershori” gjithmonë kanë ditur t’i mbështesin njerëzit e duhur në kohën e duhur, ta shfaqin madhështinë e tyre dhe ta marrin përgjegjësinë.

Të njëjtën gjë do ta bëjnë edhe kësaj radhe, duke i votuar kandidatët e listës së Lëvizjes VETËVENDOSJE! në zgjedhjet e 17 tetorit, të cilët do të jenë vlerë e vendimmarrjeve dhe e diskutimeve në Kuvendin Komunal.

Pas reformave të kryera në këtë mandat dhe me fitoren e Lëvizjes VETËVENDOSJE! në Prizren, më 17 tetor, me Albin Kurtin kryeministër, komuna e Prizrenit do të jetë në qendër të ekonomisë dhe të zhvillimit.

#BASHKËQEVERISIM

Kandidati ynë për kryetar të komunës së Deçanit Orges Tafilaj së bashku me Ministren e Industrisë, Ndërmarrësisë dhe Tregtisë, Rozeta Hajdari, shoqëruar edhe nga kandidatët për asamble nga radhët e Lëvizjes VETËVENDOSJE!, kanë vizituar sot lagjen Maksutaj në Isniq.

Gjatë vizitës sonë kemi diskutuar së bashku me qytetarët mbi problematikat e qeverisjes selektive në komunën tonë, trajtimin e qytetarëve në mënyrë të pabarabartë dhe me preferenca partiake, nevojat e tyre duke filluar nga ato bazike dhe shumë tema të tjera të cilat na bëjnë të kuptojmë se Deçani ka nevojë urgjente për drejtësinë, sinqeritetin dhe parimin vetëvendosës të Lëvizjes VETËVENDOSJE!

Qytetarë, faleminderit që po na dëshmoni rëndësinë e ardhjes sonë.

#bashkëqeverisim144

Energjia e mirë e të rinjve shtimjanë është ngjitëse, të entuziazmon për të çuar përpara çdo punë të dobishme dhe projekt që kemi menduar për qytetin tonë. Jam krenar për çdo të ri që na është bashkuar për më shumë punë, për më shumë ide dhe më shumë mundësi të reja.

Në shoqërinë e deputetes Fjolla Ujkani dhe kryetarit të qendrës Adnan Ademi diskutuam për çështjet që i preokupojnë të rinjtë e Shtimes.

Shumë nga punët që ne do të bëjmë në Komunën e Shtimes, duke filluar nga rritja e numrit të bursave, rregullimi i shkollave,  funksionalizimi i ambienteve rekreative, qendrat inovative, kurset e gjuhëve të huaja dhe ato kompjuterike, kanë përputhshmëri me çështjet ku rinia ka interes.

Qeverisja e tanishme ka minuar shpresat dhe perspektivën e të rinjve që të zhvillojnë talentet e tyre në dobi të komunitetit ku jetojnë. Papunësia dhe mungesa aktiviteteve rinore e sportive e karakterizon sot rininë tonë të harruar nga komuna.

Të rinjtë janë gjeneratori i çdo shoqërie, andaj meritojnë dhe do të kenë vëmendje dhe angazhimin tonë të plotë me ardhjen e frymës së re të Lëvizjes VETËVENDOSJE!.

#144

Banorët e fshatit Veriq përballen me probleme të shumta siç janë ujë, kanalizimi e gjatë gjithë verës edhe kontaminimi nga deponia e Tuçepit.

Së bashku me bartësin e listës Florin Dreshaj dhe me kandidatin për Kuvend Komunal, Astrit Bujupaj, takuam dhe bashkëbiseduam me banorët e fshatit Veriq, ku morëm mbështetjen e tyre të plotë dhe i siguruam se si qeverisje e ardhshme në Istog, do të fillojmë me punë për t’i evituar problemet me të cilat përballen banorët e kësaj ane.

144

Bashkëqeverisim

Nga takimi i mbajtur me gra sot në Miresh, gjetëm frymën e fitores, frymën e ndryshimit.

Kryetari Alban Hyseni, bashkë me kandidatët për asamble Selvete Sylejmani e Bedri Asllani, si dhe deputeten Arbëreshë Kryeziu Hyseni, u zotuan para të pranishmeve se me Lëvizjen VETËVENDOSJE!, do të ketë transparencë të plotë në konkurse, e cila ka munguar në qeverisjet paraprake. Po ashtu roli i gruas do jetë vital në qeverisjen e re, ku bashkëpunimi me gratë dhe fuqizimi i tyre do jetë prioritet kryesor.

Mireshi e ka ndarë mendjen për numrin 144!

tst

Trajtimi i barabartë i të gjithë qytetarëve pa dallim në investime e punësim dhe depolitizimi i arsimit në njërën anë bashkë me funksionalizimin e qendrave shëndetësore në fshatrat e komunës së Lipjanit dhe mbështetjen e bujqve e fermerëve përmes ngritjes së subvencioneve në anën tjetër, do të jenë prioritetet e qeverisjes së re të Lipjanit me kryetar Adnan Rrustemin.

Bashkë më shumë me Lipjanin, bashkë më mirë, bashkë punojmë dhe bashkë qeverisim me Adnan Rrustemin dhe numrin 144.

Dje, Kryeministri Kurti, bashkë me Kryetarin në ardhje të Gjilanit, Alban Hysenin, vizituan disa biznese atje, dhe mbajtën një takim me gra, një me të rinjë e të reja, dhe një me profesionistë prej fushave të ndryshme për të folur mbi qeverisjen e re që po vjen me datë 17 tetor në Gjilan. Bindja prej këtyre takimeve ishte se ndryshimit në qendër tani ka filluar t’i përgjigjet secila pjesë e këtu edhe Gjilani që do e fitojmë pa balotazh! Gjilani do ta ketë qeverisjen e re që e meriton dhe përkrahjen e qeverisë Kurti që i takon! Bashkë qeverisim me Alban Hysenin! Bashkë qeverisim për Gjilanin! VOTO numrin 144!

Modernizimi i shërbimeve publike dhe karakteri urban i qytetit të Shtimes janë pikat kryesore ku do të orientohet qeverisja e re lokale me Kryetar Qemajl Aliun. Me qeverinë qendrore që në radar i ka këto shqetësime, e sidomos Shtimen që ka mbetur aq mbrapa në zhvillim, qeverisja e drejtë dhe punëtore e Qemajl Aliut do ta ketë të lehtë t’i realizojë këto projekte e t’ia kthejë dinjitetin Shtimes.

Bashkë qeverisim me Qemajl Aliun.
Për Shtimen me numrin 144!

Me qeverisjen qendrore në Prishtinë e atë komunale në Prizren, me projektin e madh infrastrukturor që lidhë Prizrenin me Tetovën për çfarë kemi nënshkruar marrëveshjen e bashkëpunimit me Maqedoninë e Veriut, jemi të bindur se ditë, javë, muaj e vite shumë më të mira e presin Prizrenin, tha Kryeministri Albin Kurti gjatë vizitës së djeshme në Prizren, ku qëndroi dhe zhvilloi disa takime në mbështetje të kandidatit tonë Mytaher Haskuka. Prizrenin do ta fitojmë pa balotazh në mënyrë që ta vazhdojmë sa më shpejtë Bashkë qeverisjen. 144 është numri i fitores tonë, 144 është numri i kandidatit Mytaher Haskuka.

Projektet e Kryetarit Vitia dhe të qeverisë Kurti përputhen prandaj ndryshimi në kryeqytet me Arbenin përveç se do të jetë i shpejtë do të jetë edhe përmbajtësor. Mbrëmë, Kryetari i Lëvizjes, njëherazi Kryeministri i vendit, Albin Kurti, takoi kandidatët e listës tonë fituese për Prishtinën dhe anëtarët e shtabeve zgjedhore që i kemi nëpër pika e zona për të bashkëbiseduar rreth fushatës tonë zgjedhore që suksesshëm i adreson nevojat e kryeqytetit. Prishtina po ju kthehet qytetarëve dhe Prishtinës po i kthehet qeverisja e mirë, zhvillimore, e progresiste me Arben Vitinë. VOTO 144 – #Bashkëqeverisim#Kryeqyteti#ArbenVitia

Rritja ekonomike këtë vit u mbështet edhe prej ekonomisë prodhuese dhe eksportuese të Besianës. Kryeministri Albin Kurti me Shpejtim Bulliqin që tash kërkon mandatin katërvjeçar për Besianën vizituan sot dy fabrika atje dhe zhvilluan dy takime të hapura me sportistë e kandidate të Lëvizjes VETËVENDOSJE! për Kuvendin Komunal. Krahas ekonomisë që duhet mbështetur, bizneseve që duhen fuqizuar, Besiana ka edhe një rini të talentuar e punëtore që duhet ta realizojë potencialin e vet. Pas zgjedhjeve të 17 tetorit që do na nxjerrin fitues, qeverisja jonë lokale në bashkëpunim të ngushtë me atë qendrore do t’i shtyjë mundësitë zhvilluese për Besianën. #144 #Bashkëqeverisim #ShpejtimBulliqi #Besianë

Gratë në ndërmarrësi edhe pa përkrahjen e shtetit kanë arritur suksese. Dëshmi e kësaj është Kuzhina e hapur nga Shoqata e Grave Vetushqyese në Vushtrri, të cilën e vizitoi sot Kryeministri Albin Kurti, bashkë me kandidatin për kryetar të Vushtrrisë, Arsim Rexhepi. Qeverisja e VETËVENDOSJE!-s i përkrahë gratë sipërmarrëse. Është ky sektor, e sidomos punësimi i grave që na intereson e që do ta mbështesim në Bashkë qeverisje prej 17 tetorit. #Bashkëqeverisim #ArsimRexhepi #Vushtrri

Bashkë Qeverisim drejt zhvillimit, drejtësisë dhe mirëqenies për të gjithë. Bashkë Qeverisim sepse punën që e filluam me qeverinë po e vazhdojmë me komunat, sepse kryeministrin që e kemi në qendër e kemi në secilin pjesë të vendit me ju e pranë kandidatëve tanë që garojnë në këto zgjedhje. Për qeverisjen lokale me program modernizues, të ndershëm e humanist që ju do e jetësoni duke mbështetur kandidatë tanë me 17 tetor! 144 është numri i komunës, 144 është numri i Bashkë Qeverisjes!

Të drejtat e pakicave duhen respektuar dhe diskriminimi ndaj pakicave joserbe nga Beogradi duhet ndalur. Pakicat duhet të shërbejnë si urë bashkëpunimi ndërmjet shtetesh dhe jo si instrument konflikti ku ata jetojnë. Kjo është një çështje themeltare kur flasim për integrimin evropian dhe euro-atlantik të Ballkanit Perëndimorë, thanë tre përfaqësuesit e VETËVENDOSJE!-s, nënkryetarja, njëherazi deputetja, Fatmire Mullhaxha Kollçaku, deputeti, Armend Muja dhe përfaqësuesi ynë në KQZ, Sami Kurteshi, në tribunën me titull: Ushtrimi i të drejtave të pakicave në procesin e integrimit evropian dhe euro-atlantik të Ballkanit Perëndimorë, që u mbajt ditën e shtunë në Novi Pazar.

Në mesin e gjashtë panelistëve të kësaj tribune, ku prezentë ishin edhe përfaqësuesit e Luginës, deputeti në parlamentin e Serbisë, z. Shaip Kamberi dhe Kryetari Këshillit Kombëtar në Luginë, z. Ragmi Mustafi, tre përfaqësuesit tanë theksuan po ashtu rëndësinë që në procesin e integrimeve evropiane dhe euro-atlantike Bashkimi Evropian të ketë një trajtim më të drejtë ndaj popujve që jetojnë në Ballkanin Perëndimor e më strikt ndaj politikanëve dhe shteteve që pengojnë integrimin në këtë pjesë. Popujt nuk duhet të vazhdojnë t’i bartin pasojat e liderëve të tyre.

Kryetari i Lëvizjes VETËVENDOSJE!, Albin Kurti, ka pritur sot në takim listën e iniciativës së përbashkët qytetare “Mitrovica”.

Ai ka përgëzuar pjesëtarët e kësaj liste për për bashkimin përtej dallimeve jo vetëm partiake në shërbim të interesit qytetar duke shprehur kështu nevojën e madhe që të përforcohet pozita e komunitetit shqiptar dhe komuniteteve tjera jo serbe në atë zonë.

Kandidati për Kryetar të Komunës veriore të Mitrovicës Erden Atiq dhe Bartësi i listës Skënder Sadiku duke njoftuar për iniciativën e asaj ane kërkuan përkrahje nga kryetari Kurti sepse, siç u shprehën ata, kjo është hera e parë e një formati të tillë të organizimit, pra të gjitha partitë shqiptare, shoqëria civile dhe Vakati së bashku për një qeverisje lokale ndryshe.

KEK-u kaloi një vit të suksesshëm duke përmirësuar performancën e prodhimit të energjisë elektrike me mbi 6 mijë GWh. Gjashtë mujori i parë i këtij viti tregon një vazhdimësi të punës së mirë pasi është tejkaluar plani për eksploatimin e thëngjillit. Furnizimi i pandërprerë me energji elektrike është parakusht për zhvillimin ekonomik dhe qeveria jonë do ta mbështes në plotni këtë ndërmarrje, tha kryeministri Albin Kurti gjatë vizitës që i bëri sot KEK-ut bashkë me ministren e Ekonomisë, Artane Rizvanolli.

Kryeministri Kurti foli mbi nevojën për dekarbonizim, investimet që do të bëhen për zvogëlimin e ndotjes së shkaktuar nga termocentralet, duke falënderuar njëherazi Bashkimin Evropian për mbështetje të pa kursyer në këtë drejtim. Tutje, ai theksoi se KEK-u duhet të jetë proaktiv e inovativ në mënyrë që të arrihet diversifikimi i prodhimit të energjisë duke inkuadruar energjinë e ripërtritshme e në veçanti atë solare.

Ministrja Rizvanolli në fjalën e saj kujtoi se KEK-ut më shumë se kurrë tani i duhet një udhëheqje profesionale e me integritet, që ka vizion reformues por edhe aftësi për të planifikuar dhe zbatuar atë vizion. Ajo ndau njoftimin se muajve në vijim do të hapet konkursi publik për bordin e rregullt të KEK-ut dhe ftoi të gjithë profesionistët e fushës të aplikojnë, me theks të veçantë gratë të cilat fatkeqësisht deri tani kanë qenë të nënpërfaqësuara.

Ngjashëm, ajo inkurajoi të gjithë profesionistët e interesuar të aplikojnë edhe për pozitën e kryeshefit ekzekutiv te KEK-ut në konkursin publik i cili vazhdon të jetë i hapur deri me 23 gusht të këtij viti. Ministrja Rizvanolli tha se Qeveria është e interesuar që të sigurojë një proces fer, profesional dhe transparent të rekrutimit në pozitat e hapura në Ndërmarrjet Publike.

Vizita që filloi në mëngjesin e sotëm përfshiu Termocentralin Kosova – A, Divizionin e Qymyrit dhe Termocentralin Kosova -B

Fryma e shkëlqyeshme e bashkëveprimit mes Lëvizjes VETËVENDOSJE! dhe Alternativës për Kosovën ka sjellë rezultate të mira në nivel qendror e tash është momenti ta zgjerojmë edhe në nivel lokal. Ndryshimet e mëdha për të cilat ka nevojë Kosova, kërkojnë një bashkërendim të reformave e veprimeve të Qeverisë, me një drejtim transformues nëpër komuna.

Përmes këtij memorandumi mes subjekteve tona njoftojmë opinionin publik që kandidatja e Lëvizjes VETËVENDOSJE! për Gjakovë do të jetë Kryetarja e Alternativës për Kosovën dhe njëherit ushtruesja e detyrës së grupit tonë parlamentar, zonja Mimoza Kusari-Lila.

Me 14 shkurt u bashkuam në listën ngadhnjyese për referendumin e Republikës, në 17 tetor duhet të bashkohemi edhe një herë, për komunën, fshatin e lagjen tonë. Qeverisjes së mirë në nivel qendror duhet t’ja bashkangjesim edhe qeverisjen punëtore në nivel lokal.