Në Shtimen e Reçakut të lavdishëm, të dëshmorëve dhe martirëve që sollën lirinë. Në Shtimen e Ahmet Shtimës, Imer Devetakut dhe të Qorr Ilazit, të rinjtë vullnetar e aktivistë bënë vend për qindra qytetarët që kishin ardhur për të dëgjuar deputetët dhe qeverinë e ardhshme të Kosovës.

Doktor Qemail Aliu që kandidon nga kjo komunë, tha se Shtimes dhe Kosovës po i kthehet dinjiteti me datë 6 tetor. Padrejtësia dhe kriminaliteti që po lulëzon, korrupsioni që ka metastazuar dhe ngecja ekonomike që po na asfikson, ka bërë që shumë të rinj dhe profesionistë ta lëshojnë vendin për një punë dhe jetë më të dinjitetshme. Me datë 6 tetor Shtimja dhe e gjithë Kosova do votojë për të ardhmen me drejtësi e zhvillim, për Lëvizjen e Albin Kurtin Kryeministër.

Kandidati Fatmir Rushiti kujtoi se qeverisjes së krimit e korrupsionit, nepotizmit e klientelizmit, harraqit e fajdeve, nëpërkëmbjes së vlerave të këtij vendi po i vje fundi. Me qeverinë që parasheh investime në infrastrukturën e komunave do të përfundojnë nevojat bazike të kësaj komune. Me investimet në industri dhe përkujdesjen ndaj prodhimit vendor do të shtohet zhvillimi e punësimi në vend. Me datë 6 tetor do të fitojmë bindshëm dhe qeverisja do ta bëjë këtë vend të jetueshëm.

Kandidatja Saranda Bogujevci tha se lirinë e paguam shumë shtrenjtë e tash 20 vite pas po ballafaqohemi me problemet e njëjta. Ende pa ujë të pijshëm, ende pamundësi të shkollimit të fëmijëve tanë, pa institucione të mirëfillta të shëndetësisë dhe me ikjen e rinisë jashtë vendit. Kjo do të ndryshoj me Lëvizjen VETËVENDOSJE! dhe programin e saj, me njerëzit që kanë përvojën e duhur e me Albin Kurtin në krye të qeverisë. Numri 126 është numri më i rëndësishëm i kësaj kohe, porositi ajo.

Kandidati Glauk Konjufca theksoi se ata që kanë qeverisur deri më tani kanë dështuar dhe është radha e Lëvizjes VETËVENDOSJE! për t’i bërë ndryshimet që secili qytetar i dëshiron.Secilit po i thotë zemra boll më me padrejtësi, papunësi e varfëri. Lëvizja do sjell drejtësi, zhvillim e të drejta për punëtorët. Ne do t’i mbështesim bizneset tona dhe do ta mbrojmë punëtorin.

Në Kosovë ata që punojnë në sektorin privat e dinë se sa të pafat janë. Paga është edhe njëherë më e vogël se në sektorin publik dhe nganjëherë nuk merret fare. Kontratat janë të shkurtra dhe të pasigurta. Vetëm vitin e kaluar 22 persona kanë humbur jetën në ndërtimtari. Nuk do të guxohet të shkelet punëtori, Lëvizja do e themeloj gjykatën e punës që do të jetë përherë në anën e punëtorit dhe ta mbroj atë.

Erdhi dita e fitores që fillon në Shtime e vazhdon me datë 4 tetor në Prishtinë, për t’u kurorëzuar masivisht nëpër gjithë Kosovën me datë 6 tetor ku Lëvizja del e para e Albin Kurti bëhet kryeministër i vendit.

Në Kaçanikun e Kushtetutës e të etur për transformim, Lëvizja vazhdoi karvanin e fitores së 6 tetorit.

Avni Tafili, kandidat nga Kaçaniku, shprehu me bindje se për 20 vite me rradhë pushtetet kanë krijuar e ngritur bastione mjerimi e varfërie, por se erdhi dita t’i thyejmë bastionet e joshjes e shantazhit dhe t’i pastrojmë fytyrat nga pluhuri që na kanë hedhur. “Erdhi dita për të çliruar njerëz, ëndrra e vullnete”, pohoi Kryetari i Qendrës Tafili.

Enver Haliti pohoi se, “qytetarët e meritojnë ta gëzojnë një shtet me ekonomi të zhvilluar, me demokraci që vepron dhe me institucione që iu shërbejnë e iu japin llogari qytetarëve”. “Rinisë tonë të mençur e punëtore i përket e drejta e shkollimit dhe punësimit cilësor në mënyrë që e ardhmja e tyre e sigurtë t’u përkasë në vendin e tyre”, shtoi ish-ushtari i UÇK-së Haliti.

Ndërsa për kandidaten e re Vlera Gjakova, Lëvizja VETËVENDOSJE! është ngazëllimi e shpëtimi i shtetit nga hajnat e fisit e farefisit dhe një forcë emancipuese për të rinjtë e gratë.

Në një sallë të mbushur plot jetë e dritë nga qytetarë anekënd Kaçanikut, Kryeministri i zemrave të tyre Albin Kurti deklaroi, “pas 6 tetorit ne mbetemi të pathyeshëm e thyhet edhe krimi edhe papunësia edhe varfëria.

“Komunat do të transformohen në infrastrukturë, ujësjellës, kanalizime, rrugë, ndriçim, parqe e sheshe përmes grantit të katërt prej 600 milion eurosh për komunat nga qeveria Kurti”, tha ai. “Erdhi dita që të kujdesemi për ata që kanë nevojën e shtetit, në një vend me kaq shumë varfëri zor se mund të ketë demokraci”, shpjegoi Kryeministri i ardhshëm Kurti. Demokracia vjen pas 6 tetorit sepse fillon lufta kundër varfërisë e papunësisë. Më së shumti të rinjtë kanë nevojë për këtë luftë dhe 8000 grupeve të rinjsh nuk do t’i mungojë mbështetja e qeverisë së Lëvizje prej 80 milion eurosh për projektet e tyre inovative. “Të rinjtë e kanë talentin e aftësinë dhe me VETËVENDOSJE!-s në qeveri do ta kenë edhe financimin edhe mundësinë, erdhi ditra ta luftojmë varfërinë e ta mbështesim rininë”, kumboi në sallë fjala e të parit të qeverisë Kurti.

6 tetori është shkëputje e Kosovës nga mjerimi, pabarazia e padrejtësia. 6 tetori me fitoren e qeverisë Kurti ia çel horizontin rinisë dhe ia siguron shëndetin e dinjitetin qytetarëve tanë.

Gjakova e kulturës e artit, e luftës dhe e sakrificës priti Kryeministrin e ardhshëm të Kosovës, Albin Kurtin. Të rejat e të rinjtë, gratë e burrat me lumë brohoritjesh përcollën fjalët e deputetëve të ardhshëm. Fjala e Lëvizjes e shpalli të mbyllur ciklin e territ dhe lakmisë së pushteteve të deritanishme. Fjala e Lëvizjes deklaroi kohën e re politike si kontratë të re mes poltikës dhe popullit.

Kandidati Agon Batusha në fjalën e tij u shpreh i bindur se populli e sidomos të rinjtë e vendit do ta përqafojnë shansin për t’u bërë protagonistë kryesor të fatit të tyre. Lëvizja e ka guximin e paepur për ndryshim. “Qëllimi dhe misioni ynë është ndërtimi i një sistemi ku të korruptuarit dhe keqbërësit e të gjitha ngjyrave ta ndjejnë veten se janë jashtë loje”.

Kandidatja Mimoza Shala në vazhdim tregoi se Gjakova, dikur qyteti më i zhvilluar, sot ka mbetur e anashkaluar, e vjedhur, e degraduar dhe e izoluar. “E vërteta jonë është barazia dhe e vërteta e tyre është vjedhja”, tha ish-ushtarja e UÇK-së Shala.

Kandidati Hysamedi Feraj tha se të vetmit qytetarë të lirë në Kosovë janë ata që thërrasin VETËVENDOSJE!. Sepse këta qytetarë janë të lirë sa dhe historia e gjatë e Vetëvendosjes, “e jashtzakonshme është Lëvizja VETËVENDOSJE!, është subjekti me përvojën më të gjatë politike sepse është subjekti më i vjetër politik i organizuar prej 10 qershorit 1878”, “ndryshe prej gjithë të tjera nuk është parti krahinore, është lëvizje e të gjithë shqiptarëve prandaj Kosova i bie e vogël VETËVENDOSJE!-s, është organizuar në mërgatë, në Shqipëri, dhe shpejt do të jetë kudo ku ka shqiptarë”.

Kryetarja e Alternativës dhe kandidatja e numrit 126, Mimoza Kusari-Lila, tha e bindur se, “e vetmja lëvizje politike sot në Kosovë e … që Kosova po kërkon tash 20 vite është Lëvizja VETËVENDOSJE! dhe numri 126”. Partitë e tjera janë mashtrim; ose ta përmendin luftën si kusht dhe për shpërblim e janë parti mercenarësh, ose e përdorin emancipimin e gruas për me i mbedhë votat për patriarkët e partisë.

Dashuria për popullin tonë është e pakushtëzuar, dashuria e ka numrin 126.

Kandidatja tjetër nga Gjakova Arbërie Nagavci u shpreh para qytetarëve të ngazëllyer se, “Lëvizja tashmë është Kosovë, një trup me qindra mijëra zemra që thërrasin me një ritëm 126”, dhe shtoi se, “përkundër pushtetit që dha dëshpërim ne japim shpresë” dhe se “ne i ofrojmë Kosovës më të mirin, Albin Kurtin”.

Në një atmosferë të elektrizuar e të zjarrtë, Kryeministri Albin Kurti falënderoi për mbështetjen studiues e profesionistë me përvojë botërore që janë të gatshëm të vijnë bashkë me fitoren e Lëvizjes për ta bërë Kosovën sipas vullnetetve të lirë e krijues. “Erdhi dita ta largojmë korrupsionin dhe ta kthejmë mërgatën për të investuar e punuar në atdhe”, bëri thirrje mes mijëra të pranishëmve i pari i fitores tonë të madhe Kurti.

Të rinjve me shumë potencial por me pak mbështetje, grave të forta por të izoluara, bujqëve të përkushtuar por të anashkaluar, punëtorëve të shfrytëzuar e të keqpaguar dhe të varfërve të përjashtuar u erdhi dita e tyre 6 tetor. “Ne do t’i shpallim luftë varfërisë”, deklaroi Kryeministri jonë Kurti dhe shtoi se, “puna 40 orë në javë do të jetë kufi i patejkalueshëm, e nëse tejkalohet duhet të paguhet ose pagë shtesë ose gjobë”.

“Për një shtet që mirëmban idealet e dëshmorëve dhe realizon dëshirat e fëmijëve votoni ndryshimin që mban numrin 126”, tha në përmbyllje të tubimit Kryeministri i ditëve të reja të Kosovës, Albin Kurti.

Pas 6 tetorit, si gjithmonë në angazhimin tonë, me të shkuarën në lëkurë lëvizim drejt horizontit e ëndrrave të reja që i ndërtojmë bashkë. Deri tani kemi patur pushtete që kanë sunduar përmes mashtrimit e grabitjes dhe tani do të kemi një qeveri e cila do të qeverisë me të vërtetën, qeveria e ëndrrave tona, qeveria Kurti.

Çdo qytetar i ndershëm dhe çdo partner i joni që brengoset për gjendjen ekonomiko-politike të Kosovës nuk do të rrijë pa e mbështetur qeverinë Kurti

Në Kastriot po gjenerohet drita e ditëve të mira për vendin. Këtë po e tregon entuziazmi dhe pjesëmarrja e qytetarëve nëpër aktivitetet dhe tubimet tona atje.

Aziz Bici, që kandidon për deputet nga kjo komunë tha se me qeverinë e re po i vjen fundi padrejtësive dhe diskriminimit të banorëve të Kastriotit që jetojnë me ajrin e ndotur, bartin sëmundjet dhe shohin militantët e partive tjera të punësohen në Termocentrale e KEK.

Ndërsa kandidati Sylejman Qerkezi duke iu referuar frymës së ndryshimit që po përcjellë këto zgjedhje theksoi se ajo nuk po vjen thjeshtë prej një partie, por prej popullit dhe si të tillë nuk do të mund ta ndalë askush.

Kandidatja Mevlyde Hyseni përmendi statistikat që tregojnë rritjen e numrit të të rinjve të prekur me sëmundjen e kancerit në komunën e Kastriotit dhe foli për masat që do i ndërmarr qeveria e re për ta ndalur këtë trend duke shtuar kujdesin shëndetësor e duke mbrojtë mjedisin.

Kandidatja Fitore Pacolli tha se Qeveria Kurti do të vendosë filtra në termocentrale dhe një brez të gjelbër mes Kastriotit, Fushë Kosovës dhe Prishtinës. Deponitë do të mbyllen dhe ndaj hidrocentraleve e gurthyesve do të jemi të pakompromis.

Rexhep Selimi numëroi 126 orë nga fitorja e festa në shesh dhe porositi që deri në ditën e zgjedhjeve të mos pushojmë së punuar për këtë fitore. Erdhi dita jonë, erdhi koha jonë. Ky vend do të udhëhiqet nga njerëz që as nuk shiten, as nuk shesin e as nuk blihen, nga Albin Kurti dhe qeveria e tij.

Glauk Konjufca nënvizoi se fitorja e Lëvizjes do të jetë fitore e popullit të Kosovës mbi padrejtësitë 20 vjeçare dhe një revoltë e përgjithshme kundër nëpërkëmbjes dhe hajnisë. Me datë 6 tetor është Lëvizja ajo që do sjell drejtësinë, ngritjen e arsimit dhe mirëqenien për shumicën në vend. Këtë do ta bëjmë sepse e kemi vullnetin e sinqeritetin, programin e përgatitjen e nevojshme, por mbi të gjitha për shkak se e kemi njeriun e qëlluar, Albin Kurtin për kryeministër.

Erdhi koha për një qeverisje që na bënë të gjithëve krenar. Me 6 tetor, vendimi është i popullit, kurse festa e të gjithë qytetarëve.

Nga bukuritë e Dardanës, mes brohorimash entuziaste, në tubimin e radhës kumboi fitorja e Lëvizjes VETËVENDOSJE!.

Kandidati Bajram Mavriqi bëri thirrje për ta bërë ndryshimin e madh për ta kapërcyer errësirën në të cilën e kanë futur Kosovën dhe akoma më shumë Dardanën. Na e shuajtën shpresën, vodhën punën, na morën subvencionet e tani duan të na mbyllin edhe shkollën. “Ata duan që ne ta braktisim Kosovën e Dardanën, mirëpo ne u përgjigjemi atyre: shpirti nuk shitet dhe atdheu nuk braktiset” tha Kryetari i Qendrës Mavriqi.

Ndërsa kandidatja tjetër nga Dardana, Arta Barajlia, foli për të drejtat e grave. “Asnjë shoqëri në botë nuk është zhvilluar pa angazhimin e gruas në politikë dhe kjo është e vetmja rrugë për barazi”, tha ajo. Shteti zhvillimor i qëndrueshëm sjell edhe barazi më të madhe tha me bindje kandidatja Barajlia, e cila shtoi ndër të tjera se pas 6 tetorit nuk do të ketë punë pa dinjitet, pa pagesë të orëve shtesë, pa kontrata për punëtorët, pa siguri në të dhe pa pushime lehonie. “Rritja e punësimit dhe mbrojtja e punëtorit është edhe mbrojtje e avancim i pozitës së grave, të cilat e vuajnë më së shumti shfrytëzimin e papunësisë dhe të punës”, përfundoi Bajralia.

Në fjalën e radhës kandidati Ilir Kërçeli kujtoi se Kamenica është lënë pas dore për 20 vite pa ujë të pijshëm e me rininë që po e braktis vendlindjen, por prej 6 tetorit situata ndërron Kamenicës do i kthehet uji dhe rinia e saj.

Si kryeministri i ardhshëm, Albin Kurti, iu drejtua Dardanës me fjalët e zjarrta, duke thënë se erdhi dita që ta largojmë terrin e ta sjellim dritën në Dardanë, erdhi dita e një shteti të së drejtës që e lufton krimin dhe krimin e organizuar, ku pushtetarët e qytetari janë njësoj përfundi ligjit e para tij”.

I pari i fitores tonë të madhe përforcoi faktin se me oligarkë e mujsharë nuk ka as drejtësi, as barazi e as zhvillim dhe shtoi se me qeverinë e VETËVENDOSJE!-s e kthejmë prodhimin në ekonomi dhe e kthejmë ekonominë në poitikë e nuk e lëmë të përjashtuar në tregun ku dominojnë mujsharët e oligarkët”.

Më 6 tetor do t’i tregojmë vetes dhe mbarë botës sesi nuk duam të jem, se si nuk duam të qeverisemi më. Me guxim votojmë më 6 tetor dhe bëhemi vetë shpresa e vetes tonë.

Dje, Kryetari i Lëvizjes dhe kandidati ynë për Kryeministër, z. Albin Kurti, bashkë me kandidatet tona për deputete, znj. Fitore Pacolli dhe znj. Mevlyde Hyseni, dhe me Sekretarin për Marrëdhënie me Jashtë, z. Kreshnik Ahmeti, takuan delegacionin shtetëror nga Finlanda, të udhëhequr nga Ministri i Punëve të Jashtme të Finlandës, z. Pekka Haavisto.

Në këtë takim u diskutua rreth dialogut me Serbinë, kundërshtimit që Lëvizja VETËVENDOSJE! ia bëri ndarjes së Kosovës dhe shkëmbimit territorial, dhe ndikimit rus në rajon. Sa i përket dialogut me Serbinë, Kryetari Kurti theksoi se para së gjithash, duhet të kemi dialog demokratik nga poshtë-lart, me të gjitha pakicat, për temat sociale dhe ekonomike, nëpërmjet të cilave do të realizohet integrimi i tyre në shoqërinë dhe ekonominë e vendit, përveçse në institucione. Përtej kësaj, për çfarëdo dialogu, duhet t’i respektojmë tri parime: 1. Nuk do të ketë marrëveshje pa dialog, 2. Dialogu të orientohet rreth të drejtave të qytetarëve e jo mbi shkëmbimin territorial, dhe, 3. Jo dialog me harta, jo presidentet e dy shteteve, por ekspertët. Gjithashtu, ai potencoi se Lëvizja VETËVENDOSJE! gjithmonë do të mbrojë sovranitetin territorial të Republikës së Kosovës dhe asnjëherë nuk do të lejojë që disa individë të vendosin për fatin e një populli.

Ministri Haavisto tregoi qëndrimin pozitiv të Finlandës për procesin e integrimeve evropiane të Kosovës dhe theksoi rëndësinë e madhe të diasporës shqiptare në Finlandë. Ndërsa, delegacioni i Lëvizjes VETËVENDOSJE!-s vlerësoi mbështetjen që Finlanda i ka dhënë Kosovës në faza të ndryshme, veçanërisht në mbrojtjen e pavarësisë së Kosovës në Gjykatën Ndërkombëtare të Drejtësisë.

Me pjesëmarrje të paprecedent, mes mijëra të rinjsh që i bëhen krah Lëvizjes e që do ta kenë krah qeverinë Kurti, me të pranishëm nga Presheva e Bujanoci, Kumanova e Gostivari, me miq nga Social-Demokratët e Bundestagut gjerman, Gjilani priti kryeministrin e ardhshëm të Kosovës, Albin Kurtin me ekipin e tij fitues.

Në hapje, tubimin e nderoi deputeti i Partisë Social-Demokrate në Bundestagun gjerman, Stefan Schwartze. “Unë jam këtu sot sepse mendoj se ju qendroni përpara një momenti historik. Besoj se e keni shansin e madh për ndryshimin e madh në Kosovë. Në këto zgjedhje varet edhe perspektiva e ardhshme e Kosovës”, tha deputeti gjerman duke shtuar se, “unë kam ardhur që ta mbështes Albinin për kryeministër e shpresoj që edhe ju e keni guximin ta mbështesni Albinin për kryeministër”.

Në fjalën e radhës, kandidati Nevzad Isufi, tha se bashkë me qytetarët Lëvizja po kërkon ndryshim, zhvillim, shtet, parime, barazi e mirëqenie të cilat na kanë munguar deri në 6 tetor, sepse një epokë e re po vjen. Sipas tij Gjilani pa ujë e me lumenj e ambient të ndotur do ta ketë përkrahjen e qeverisë Kurti për ta mbrojtur mjedisin e për t’ia siguruar shërbimet bazike publike. Ndërsa kandidatja tjetër nga Gjilani, Arijeta Rexhepi, u zotua se Lëvizja do të punojë për një vend ku mund t’i paramendojmë fëmijët tanë të rriten, jetojnë e punojnë me dinjitet në vendin e tyre.

Kandidati Alban Hyseni tha me bindje se vetingu do të bëhet e do të jetë gardian i përhershëm i sistemit të drejtësisë e sigurisë, duke thënë më tutje se drejtësia e barazia janë baza dhe thelbi i rendit dhe i rregullit në shoqëri dhe drejtësia e barazia do të shërbejnë si rregullatorë të fushave të tjera në shoqërinë tonë pas 6 tetorit. Ndërsa për kandidatin Ismajl Kurteshi njëri nga kuptimet e qeverisë Kurti do jetë arsimi dinjitoz, pa pagesë e i garantuar për nxënësit e studentët tanë.

Kandidatja Tinka Kurti si aktiviste e zëshme e çeshtjes së gruas denoncoi dhunën, shfrytëzimin, izolimin dhe përjashtimin e grave nga sfera publike e jetës e tha me bindje se ditë të bardha po na presin vendin pas 6 tetorit. “Nga 6 tetori fillon jetësimi i kërkesave tonë si gra për siguri, punë, strehë, arsim, shëndet, pavarësi e mirëkuptim” u zotua bindshëm kandidatja Kurti dhe shtoi se, “kemi një jetë që po presim, dy dekada lirie, por edhe 6 ditë vjen çlirimi i Kosovës”.

Në fjalimin e tij deklarativ, kryeministri jonë Albin Kurti, mes zotimesh për ta çliruar shtetin nga kapja, gjyqtarët e prokurorët nga eprorët lepurushë, gratë nga dhunuesit, punëtorët nga shfrytëzimi e veteranët nga mujsharët e luftës, u zotua se do ta sjellim ligjin e ri të punës, do ta pesëfishojmë numrin e inspektorëve të punës që të garantojmë cilësi e siguri në punë. Do ta themelojmë gjykatën e punës dhe qeveria jonë do të jetë komplementare e bashkëpnuusese në përpjekjet e sindikatave në përmirësimin e kushteve të punës e të drejtave të punëtorëve e kurrsesi pengesë për ta.

Mes brohoritjesh pafund e plot padurim për qeverinë e drejtuar prej tij, kryeministri i shumëpritur i vendit e mbylli tubimin me fjalët: “Kosovën e kemi trashëgim nga gjaku i dëshmorëve dhe djersa e punëtorëve ndërkaq e kemi marrë hua nga fëmijët e porsalindur e ata që akoma nuk kanë lindur. Gjithkah duhet të punojmë, gjithçka duhet të shpëtojmë e shumëçka do të fitojmë”.

Sot, kryetari Kurti, bashkë me kandidatet për deputete Arbërie Nagavci e Mevlyde Hyseni, dhe aktivistin Edison Jakurti, takuan deputetin e Bundestagut gjerman nga rradhët e SPD-së, z. Stefan Schwartze. Takimi u mbajt në një frymë shumë bashkëpunuese duke qenë se z. Schwartze po qëndron në Kosovë në mbështetje të Lëvizjes VETËVENDOSJE! për zgjedhjet e 6 tetorit.

Kryetari Kurti foli për tubimet e takimet e shumta që po zhvillohen çdo ditë anë e mbanë vendit. Entuziazmi që po vërehet gjithandej është rezultat i mobilizimit të brendshëm dhe vullnetit të jashtëm për ndryshim. Përveç theksimit të disa masave që do t’i ndërmarrim si qeveri për zbutjen e varfërisë e zvogëlimin e pabarazisë gjinore, kryetari Kurti foli edhe për mundësitë e bashkëpunimit mes qeverisë Kurti dhe asaj gjermane. Një fushë me potencial u theksua të jetë ajo e shkollave profesionale si urë lidhëse mes arsimit dhe ekonomisë. Gjithashtu, u diskutua për nevojën e thellimit të bashkëpunimit në fushën e riciklimit si metodë për ruajtjen e ambientit, meqë Gjermania ka shumë përvojë e Kosova nuk qëndron mirë në këtë drejtim.

Z. Shwartze foli për rëndësinë e takimeve të vazhdueshme me qytetarë si mundësia më e mirë për t’i njohur e adresuar brengat e tyre. Ai e vlerësoi lartë mërgatën shqiptare në Gjermani duke e konsideruar atë si burim të pazëvendësueshëm për zhvillimin e Kosovës. Poashtu theksoi se është mbështetës i fuqishëm i sistemit dual të arsimit dhe se kjo do t’mund të ishte një fushë kyçe e bashkëpunimit mes qeverisë gjermane dhe qeverisë Kurti. Përveç arsimit, ideja për fillimin e bashkëpunimit për ndërtimin e një sistemi riciklimi në Kosovë u vlerësua si projekt shumë i rëndësishëm e i realizueshëm.

Takimi u përmbyll duke u koordinuar për tubmin që do të mbahet sonte në Gjilan, ku do të marrë pjesë edhe z. Schwartze si mysafir i veçantë.

AKADEMIKË TË UNIVERSITETEVE PRESTIGJIOZE BOTËRORE MBËSHTESIN LËVIZJEN VETËVENDOSJE!

Këta janë emrat e akademikëve, ndërsa tekstin mbështetës e gjeni më poshtë:

– Slavoj Žižek, Ljubljanë/Slloveni, profesor në Birkbeck College/Londër
– Gabriel Tupinambá, Rio de Janeiro/Brazil, filozof dhe psikoanalist
– Natalia Romé, Buenos Aires/Argjentinë, profesor në Universidad de Buenos Aires
– Luka Mesec, Ljubljanë/Slloveni, deputet në parlamentin Slloven
– Ceren Özselçuk, Stamboll/Turqi, profesor në Boğaziçi Üniversitesi
– Yahya M. Madra, Stamboll/Madison- SHBA, profesor në Drew University
– David Pavón-Cuéllar, Morelia/Meksikë, profesor në Universidad Michoacana de San Nicolás de Hidalgo
– Jamil Khader, Betlehem/Palestinë, dekan në Universitetin e Betlehemit
– Frank Ruda, Dundee/Berlin, profesor në Universitetin e Dundee
– Alenka Zupančič, Ljubljanë/Slloveni, hulumtuese në akademinë e shkencave dhe arteve, instituti i filozofisë
– Warren Montag, Los Angelos/SHBA, profesor në Occidental College
– Robert Pfaller, Linz/Austri, profesor në Kunstuniversität Linz
– Alberto Toscano, Londër/Britani e Madhe, profesor në Goldsmith College
– G.M.Tamás, Budapst/Hungari, filozof
– Mladen Dolar, Ljubljanë/Slloveni, profesor në Fakultetin Filozofik
– Adrian Johnston, New Mexico/SHBA, Shef i departamentit në fakultetin filozofik në The University of New Mexico
– Rodrigo Nunes, Rio de Janeiro/Brazil, profesor i filozofisë në Pontifícia Universidade Católica do Rio de Janeiro, PUC-Rio
– Boris Buden Berlin/Zagreb, filozof
– Todd McGowan, Vermont/SHBA, profesor në University of Vermont
– Michael Roberts, Londër/Britani e Madhe, ekonomist
– Molly Anne Rothenberg, New Orleans/SHBA, profesor në Tulane University
– Nick Nesbitt, New Jersey/SHBA, profesor në Princeton University
– Vittorio Morfino, Milano/Itali, profesor në Universitetin Milan-Bicocca.

Republika e Kosovës po shkon në zgjedhje të reja të përgjithshme, të cilat do të mbahen më 6 tetor, 2019. Qeveria konservatore dhe neoliberale e deritanishme, e përbërë nga një koalicion me mbi 17 parti politike, do të mbahet mend për vendimet e saja neoliberale, për korrupsionin e niveleve të larta dhe për politikën e jashtme apatike. Kjo vetëm e ka përkeqësuar gjendjen tashmë shumë të rëndë politike, ekonomike dhe sociale në Republikën e Kosovës.

Niveli i papunësisë në Kosovë është të paktën 32% dhe trendi vazhdon të jetë negativ. Ndërmarrjet publike janë rrezikuar nga kontratat e dëmshme me qëllim privatizimin. Pabarazia në pasuri dhe në të ardhura është e lartë dhe vetëm sa po thellohet, ndërkohë që niveli i lartë i varfërisë nuk po zvogëlohet. Republika e Kosovës mbetet vendi më i varfër në Evropë.

Kjo situatë ka nevojë për masa urgjente që mund të ndërmerren vetëm nga një program social-demokrat, dhe në Kosovë është vetëm Lëvizja VETËVENDOSJE! ajo që mund të marrë masa të këtilla. Në zgjedhjet e fundit të 2017, LVV doli partia me mbështetjen më të madhe ndërkaq kandidati për Kryeministër, Albin Kurti, ishte njeriu më i votuar në Kosovë. Prej asaj kohe, Lëvizja u rrit me një ritëm të paprecedent, si rezultat i programit, politikave, aktiviteteve e edhe si rezultat i situatës së përkeqësuar në Kosovë.
Statusi politik dhe juridik i Kosovës është veçanërisht i pazakontë. Ndërkohë që formalisht i pavarur, Kosova mbetet një vend i varur, i shndërruar kështu në një vend mes gjysmë-kolonializmit dhe gjysmë-protektoriatit. Si pasojë, u bë tokë pjellore për shumë politika dhe projekte neoliberale dhe të tjera të ngjashme, ku edhe rregullat formale elementare të demokracisë shkelen tepër shpesh.

Siç e dimë, këto çështje nuk janë lokale, por globale. Paradigma neoliberale na ka bashkuar të gjithëve për të luftuar kundër saj dhe për ta bërë këtë kemi nevojë për solidaritetin e mbështetjen e njëri-tjetrit.

Prandaj, ne si nënshkrues shprehim mbështetjen tonë për Lëvizjen VETËVENDOSJE! dhe për Kurtin në zgjedhjet që po vijnë, me shpresën se qeveria e tij e ardhshme do të jetë një fillim i ri në këtë betejë të vështirë, por të domosdoshme, kundër ngjarjeve aktuale në Republikën e Kosovës. Në situata si kjo, shpresa është më e rëndësishme se realiteti aktual, diçka që Lëvizja VETËVENDOSJE! dhe Kurti ia japin popullit të këtij vendi, si parakusht për çdo transformim të realitetit në Kosovë.

Në pallatin e kulturës “Jusuf Gërvalla” në Deçan, deputetët e mazhorancës së ardhshme, Zekë Sinanaj dhe Mirlinda Tishukaj Sadiku nga Deçani, Xhelal Sveçla, Glauk Konjufca dhe nënkryetarja e Lëvizjes, Fatmire Mulhaxha Kollçaku folën para qindra deçanasve për programin e qeverisë Kurti.

Zekë Sinanaj tha se kërkesën për ndryshim po e dëgjojmë gjithandej. Ata që e kanë zhvatur vendin tani po i shohim të zbutur duke kërkuar sërish votën, e kinse për ndryshim. Por, të gjithë e kanë të qartë tashmë se kur për flasim për ndryshim në drejtësi e ekonomi, shëndetësi e arsim, luftim të krimit e korrupsionit dhe për të drejta të punëtorëve, në mendje e kemi Lëvizjen VETËVENDOSJE! dhe qeverinë e saj në krye me Albin Kurtin.

Mirlinda Tishukaj Sadiku shtroi pyetjen se a mund të bëhet ndryshimi me njerëzit e njëjtë? Një Jo – jehuese në sallë zbriti te fjala e saj për gratë e vajzat që kanë diplomuar e magjistruar e që tani qëndrojnë nga 12 orë nëpër arkat e hipermarketeve, te djemtë që shërbejnë si kamarierë milionerët e pashkolluar dhe te Lëvizja që do e ndryshojë këtë gjendje. Posterat në Deçan mund të shqyhen, por jo edhe vullneti i qytetarëve të Deçanit që janë përcaktuar për ndryshimin. Ajo tha se me 6 tetor duhet dhe do t’i jepet shansi Lëvizjes dhe Albin Kurtit për ndryshime.

Nënkryetarja, doktoresha Fatmire Kollçaku Mulhaxha kujtoi që sot është 21 vjetori i rënies në luftë të doktorit dhe humanistit, Doktor Shpëtim Robaj. E gjithë salla duartrokiti për veprën e tij.

Tutje, ajo foli për rëndësinë e një shëndetësie publike, sigurimet shëndetësore dhe ndryshimet tjera që do i bëj Lëvizja në mënyrë që një sëmundje e rëndë të mos e hedh në varfëri një familje siç po ndodhë tani. Ajo përmendi edhe përkrahjen e grave dhe vajzave që do e bëjë qeveria e re përmes bursave për studime, banimit të përballueshëm për gratë kryefamiljare dhe qiftet e reja në nevojë. Me 6 tetor, porositi ajo, duhet t’i japim fund këtyre që kanë qeverisur e që tani flasin për ‘mentalitetin e robit’, me Albin Kurtin dhe programin e Lëvizjes Kosova do bëhet një vend i jetueshëm për të gjithë, e sidomos për ata që kanë nevojë.

Duke iu referuar të kaluarës, rritjes së vazhdueshme të Lëvizjes, Xhelal Sveçla tha se ajo përcakton fitoren tonë në zgjedhjet e 6 tetorit. Tashmë është kuptuar që ne jemi ndryshimi dhe e kemi për detyrë të kthejmë shpresën në vend e duke e bërë këtë do i kthejmë edhe investimet edhe rininë. Është për shkak të së ardhmes së Kosovës që e kemi për detyrë ta bëjmë këtë vend të jetueshëm. Sa më i thellë dallimi me kundërshtarët në këto zgjedhje aq më i thellë ndryshimi. Edhe 6 ditë për Kosovën edhe 6 ditë për Albinin kryeministër.

Glauk Konjufca tha se pas 6 tetorit fëmijët do ta kuptojnë më mirë se ç‘është çerdhja, nxënësit se ç’është shkollimi, studentët se ç’është universiteti, bujku se çka janë subvencionet pa të njohshëm. Rinia do e prek punësimin e pleqtë pensionin e dinjitetshëm kurse ekonomia zhvillimin. Të gjitha këto do të ndodhin sepse në krye do vijë Albin Kurti. Qeveria Kurti do të jetë e përgjegjshme dhe e ndjeshme, profesionale dhe e ndershme, ajo do ta çrrënjosë krimin e korrupsionin, klientelizmin dhe nepotizmin.

Të tjerët le të shqyejnë postera se fuqia e Lëvizjes VETËVENDOSJE! nuk është te posterat por te zemrat e qytetarëve.

Malisheva priti me tubim ngadhënjyes në shtëpinë e kulturës “Tahir Sinani” kandidatët fitimtarë të Lëvizjes të drejtuar nga kryeministri i ardhshëm Albin Kurti.

Kandidati Gani Krasniqi kujtoi vlerat kulturore, patriotike e lufttarake të Malishevës. Për të mbrojtur këto vlera sot më shumë se kurrë, veprimtari i kahmotshëm i çeshtje kombëtare Krasniqi u shpreh se na duhet shteti i drejtë për popullin dhe ligji për hajnat, duke shtuar se Republikës i duhet virtyti e i duhen njerëzit e Kosovës dhe jo hajnat. “Ia kemi borxh shpresës që po lind që ta bëjmë realitet”, tha Krasniqi.

Kandidatja dhe inxhinierja Jetmira Vrenezi tregoi se vullneti për ndryshim dhe besimi në Lëvizjen VETËVENDOSJE! vetëm se po rriten. Jetmira nuk është ndaluar as si aktiviste, as si nënpunëse në Komunën e Prishtinës dhe në atë të Prizrenit dhe nuk do të ndalet as si deputete e Kuvendit.

Në fjalën e saj kandidatja Albulena Haxhiu shpjegoi se populli po e mbështet Lëvizjen sepse VETEVENDOSJE! nuk e ka tradhëtuar e mashtruar asnjëherë atë. “Për dallim nga të tjerët, VETËVENDOSJE! i sheh qytetarët në sy tek u kërkon mbështetje për zgjedhjet e 6 tetorit”, tha kandidatja Albulena Haxhiu.

Kryeministri i ardhshëm Albin Kurti përballë qytetarëve të shumtë të Malishevës në tubim tregoi sesi autostradat e mbyllura, si në Malishevë e në tërë vendin, i kanë ngulfatur komunat, tokat bujqësore dhe i kanë detyruar banorët të shpërngulen prej tyre. Ndërsa me qeverinë Kurti dhe me grantin e katërt për komunat prej 600 milionë eurosh për 4 vitet e mandatit, komunat do të kenë mundësi të investojnë në infrastrukturë, shkolla e ujësjellësa. “As nuk do të tolerojmë që ujrat e zeza të bëhen ujëvarë e as nuk do të lejojmë që ujvara e Mirushës të ketë ujra të zeza”, tha vendosmërisht kryeminstri jonë Kurti.

Ndërsa në fund të fjalimit ai bëri thirrje që ta mposhtim varfërinë e ta mposhtim frikën, sepse aty ku populli ka frikë nga qeveira kemi tirani dhe aty ku qeveria ka frikë nga populli kemi demokraci. Me VETËVENDOSJE!-n në qeveri e heqim frikën dhe e rikthejmë shpresën.

Edhe dritaret e shtëpive përreth kishin sytë nga qendra sportive Valon Begolli në Pejë, ku kandidati për kryeministër, Albin Kurti bashkë me deputetët e ardhshëm Fatmire Mulhaxha Kollçaku, Bashkim Nurboja, Taulant Kryeziu, Ali Lajçi dhe Mimoza Kusari folën për qeverinë e re të 6 tetorit.

Nënkryetarja e Lëvizjes, doktoresha që kandidon për deputete, Fatmire Mulhaxha Kollçaku, përmendi artistët, aktorët e sportistët me vlerë botërore që Peja i ka dhënë vendit, duke nënvizuar suksesin e grave dhe mbështetjen që qeveria e re do ta jap për to. Ajo foli edhe për bukuritë e Pejës, grykën e Rugovës, Lumëbardhin e paprekshëm prej hidrocentraleve dhe qeverinë Kurti që do ta mbrojë ambientin e do të invesojë në zhvillimin e turizmit në Pejë.

Kandidati Bashkim Nurboja kujtoi se sot është përvjetori i protestës “Një popull nuk i nënshtrohet një njeriu” duke theksuar se motoja e këtyre zgjedhjeve do të jetë “një popull nuk i nënshtrohet as kriminelëve dhe as hajnave.” Ne do ta luftojmë korrupsionin dhe krimin e organizuar, do t’i ndihmojmë ndërmarrjet e vogla dhe të mesme që të zhvillohen dhe do të mundohemi për mirëqenien e të gjithëve e jo vetëm të disave, tha ai.

Kandidati Taulant Kryeziu tha se ka ardhur koha për një Kosovë ku të fuqishmit janë të barabartë me njerëzit e rëndomtë. Me shtetin e kapur nuk ka konkurrencë politike, as konkurrencë idesh por ka hajni votash, degradim të dijes dhe shkatërrim të së ardhmes. Vetëm një qeverisje me një Kryeministër të dijshëm e të guximshëm, që e do shtetin dhe vendin e është i pathyeshëm e i pashantazhueshëm si Albin Kurti mund të ecim tutje dhe kjo tashmë është domosdoshmëri.

Kandidati Ali Lajçi tha se numri 126 ka gjetur shprehje te qytetarët e Republikës, por 6 tetori do shënoj ngjarjen e fitores së Lëvizjes VETËVENDOSJE!. Ai tha se Kosova është menaxhuar shumë keq në kuptimin institucional dhe se e ka humbur imazhin me këto struktura udhëheqëse. Duhet të sigurohemi që ata të mos kthehen porositi ai, duke uruar që me peshën e madhe të dashurisë që kemi për Kosovën ta votojmë Lëvizjen dhe kryeministrin Albin Kurti.

Kryetarja e Alternativës, kandidatja në listën e Lëvizjes, Mimoza Kusari Lila, duke iu referuar panistëve tha se këta që nuk i ruajnë as territoret nuk mund ta sigurojnë lëvizjen e lirë për qytetarët e Kosovës. Këta vetëm e kanë trashur të keqen dhe andaj jemi bërë bashkë. Bashkë për Lumëbardhin dhe kundër hidrocentraleve dhe për bukuritë natyrore e sportin që qeveria Kurti i ka prioritet. E vetmja lëvizje politike që sot e ka guximin, dijeninë dhe mundësinë e reformës është Lëvizja VETËVENDOSJE!.

Kryeministri në ardhje, Albin Kurti foli për çlirimin e dytë të Pejës e të Kosovës nga oligarkët e tajkunët që e kanë pushtuar.

Me shtetin si rregullator e mirëmbajtës dhe jo dirigjues, do të ndryshojë qasja ndaj bizneseve për të mirë. Do të perëndojnë tajkunët e lindin ndërmarrësit inovativ, do të ulet importi dhe rritet eksporti. Me qeverinë e VETËVENDOSJE!-s nuk do të ketë tajkunë a oligarkë, Kelmendë e as Devollë, që e detyron punëtorin të marr pjesë në tubime të ndonjë subjekti politik dhe që ua kushtëzon pagën me votë. Ne do ta pesëfishojmë numrin e inspektorëve të punës, do ta themelojmë Gjykatën e Punës, do ta miratojmë ligjin e ri të punës dhe organizimi sindikal do të ndihmohet e do të fuqizohet. Me qeverisjen tonë nuk mund të lejojmë që Peja të jetë e pasur me tajkunë e të falimentojnë zejet e artizanatet e mbi 1000 familje të varen nga skema e ndihmës sociale.

Pas 6 tetorit, për punëtorët: punë, bukë e dinjitet. Për tajkunët, tatim mbi fitimin legjitim, dënim e konfiskim mbi atë jolegjitim.

Pamjet e dala në një portal, tregojnë sulmin brutal ndaj kandidatit për deputet të Lëvizjes VETËVENDOSJE!, Haki Abazit, nga ana e kandidatit të AAK-së Dardan Molliqaj dhe truprojës së tij Fatos Sahitit. Ky sulm nga ana e dy personave, njëri prej të cilëve shihet duke vënë dorën në brez kërcënueshëm, vërteton atë që kemi thënë prej fillimit. Haki Abazi është sulmuar në mënyrë rrugaçërore, e nga prapa shpine.

Ne e denoncojmë këtë krim, dhe konsiderojmë se këto imazhe e vulosin si njeri të dhunshëm e si mashtrues Dardan Molliqajn, i cili asokohe mohoi të ketë sulmuar fizikisht. Po ashtu, del se edhe Rexhep Hoti e paska fshehur të vërtetën, meqenëse dukshëm ishte dëshmitar i këtij sulmi. Të dyja partitë duhet të distancohen nga këta kandidatë, AAK duhet të dënojë dhunën kriminale të Molliqajt, e PDK-ja duhet të dënojë mashtrimin publik nga ana e Rexhep Hotit. Në të njëjtën kohë, jemi të zhgënjyer nga mosveprimi i prokurorisë, e cila i ka patur në dorë këto filmime.

Lëvizja VETËVENDOSJE! kërkon nga policia e prokuroria të marrin masa tash që e vërteta doli në shesh. Prokuroria duhet të kërkojë arrestimin e Molliqajt, i cili e ka sulmuar një person vetëm pse nuk pajtohet politikisht me të. Njëkohësisht media duhet të mos i jape hapësirë këtyre dhunuesve e mashtruesve flagrantë.

Në shtëpinë e kulturës në Lipjan mbajtëm tubimin e radhës mobilizues. Salla ishte e mbushur përplot me të rinj, të cilët do të marrin pjesë edhe më masivisht në votimet e 6 tetorit.

Kandidati nga Lipjani Berat Reçica në fjalimin e tij u shpreh i bindur se siç rrëzohet shkëmbi kur nuk i ka tre këmbë ashtu do t’i rrëzojë edhe qeveria Kurti, rivalët politik të cilët nuk janë për shtet të së drejtës, shtet zhvillimor e shtet social. Kandidati Reçica u bëri thirrje qytetarëve se, “nuk është marre me ndërru parti. Marr është me të vjedhë e më të mashtru për 20 vjet e t’i prap me i votu”. Ndërsa kandidati jonë tjetër nga Lipjani Xhelal Haliti u zotua se Lëvizja dhe lista jonë fituese është zëri i qytetarëve dhe i të drejtave të tyre të përditshme, se me numrin 126 Kosova do të ketë mirëqenie, punë e jo skllavëri.

Kandidati Liburn Aliu mes brohoritjeve të parreshtura të qytetarëve tha se qeverisja Kurti me të keqen ballafaqohet me guxim ndërsa qytetarit i shërben me përulje. “Shtetin e çkap ai që pret me padurim ballafaqimin e madh dhe prandaj ne themi erdhi dita”, tha veprimtari dhe luftëtari Aliu dhe shtoi se, “me datën 6 tetor do të fillojë çkapja e shtetit, por do të ndodhë edhe çkapja e LDK-së prej PDK-së”.

Fitore Pacolli tregoi se Lëvizja do të fitojë sepse nuk shkon më që varfëria e pabarazia të jenë kaq të thelluara në Kosovë, që ushqimi të kushtojë më shumë sesa në vendet e Europës, ndërkohë që punëtorët paguhen shumë më pak sesa atje. Nuk shkon më me shkolla e spitale të mjeruara! Le ta bëjmë Kosovën shtet, tha kandidatja Pacolli, “që punon për të gjithë, fëmijë, burra, gra, punëtorë e pensionistë”.

Kandidati Glauk Konjufca shpjegoi se Lëvizja do t’i fitojë zgjedhjet sepse kemi programin që më së shumti i nevojtitet vendit tonë, kemi njerëzit më profesionalë që i ka Kosova, kemi vullnetin e dijen për transformimin e vendit, kemi guximin për ta çrrënjosur krimin dhe korrupsionin, kemi ndjeshmërinë për ta ndërtuar barazinë e solidaritetin dhe mbi të gjitha e kemi njeriun e duhur për ta udhëhequr vendin.

“Lëvizja do ta luftojë mafian, do t’i konfiskojë pasuritë e bëra me krim e korrupsion dhe do t’i eliminojë e zhdukë monopolet e PAN-hajnisë”, tha ai.

Në përfundim të tubimit kandidati Konjufca u shpreh së me 7 tetor Kadri Veseli bashkë me Ramush Haradinajn do të marrin vesh se si luftohet korrupsioni dhe Vjosa Osmani ka me kuptu se kujt i beson popullit”.

Secili e ndjen në zemër me 126 rrahje në minutë programin e Lëvizjes VETËVENDODSJE!. Secili e ndjen në zemër dhe ia merr mendja se erdhi dita e tij dhe e saj për t’u bërë pjesë e barazisë, drejtësisë e zhvillimit të vendit.

Mes qytetarëve të shumtë që e thërrisnin emrin dhe funksionin e tij të ri si kryeministër, Albin Kurti së bashku me kandidatët për deputetë nga Theranda, Salih Zyba, Drita Kabashi, Liridon Fandaj, Albana Gashi dhe kandidati Rexhep Selimi hynë në oborrin e Gjimnazit “Jeta e Re” në Therandë për ta folur qeverinë e 6 tetorit.

Kandidati Salih Zyba kujtoi se ato pak prona e ndërmarrje që i mbijetuan luftës nuk i mbijetuan pasluftës së privatizimeve nga partitë që udhëheqin vendin për 20 vite. Ai tha se këto parti që kanë shkatërruar ekonominë, arsimin, shëndetësinë e drejtësinë po shkojnë për mos t’u kthyer më dhe se me 6 tetor qeverisja e re me Albin Kurtin në krye po vjen.

Doktoresha Drita Kabashi foli për atdhedashurinë dhe shëndetësinë. Si doktoreshë e shkolluar dhe me përvojë pune në Gjermani, ajo tha se dashuria për atdheun dhe njerëzit në Kosovë ja shtyu ndjenjën e detyrës për t’u kthyer dhe shërbyer në vendin e saj, ku tash me qeverinë e re do të ketë sigurime shëndetësore dhe trajtim profesional dhe njerëzor për qytetarët e vendit pa diskriminim.

Kandidatja Albana Gashi përmendi ndërmarrjet e Therandës që ja kanë dhënë identitetin dhe dinjitetin qytetarëve të saj e që janë shkatërruar përmes privatizimit. Qeveria e re do ta shfuqizoj AKP-në dhe do t’ia marr asaj ndërmarrjet shoqërore për ta hapur një kapitull të ri në ekonominë e vendit, që do t’ia kthej shpresën qytetarit e dinjitetin punëtorit.

Gjenerali dhe kandidati për deputet Rexhep Selimi tha se pas një jave do të flas populli i Kosovës, e pas asaj jave do të heshtin ata që na vodhën e na rrjepën, e pas edhe asaj jave në ditët tona plotë dritë nuk do i shohim më këta lakuriq të natës. Ata do të ikin sepse në emër të UÇK-së kërkuan votën dhe sollën Gjykatën Speciale, sepse premtuan vende pune dhe e larguan rininë jashtë vendin, ata do të ikin sepse po vjen Vetëvendosja dhe Albin Kurti kryeministër.

Kandidati për kryeministër, Albin Kurti tha se Theranda duhet të ketë ujë e trotuare, parqe e sheshe publike dhe se këto do të bëhen përmes grantit të katërt për komuna në vlerë prej 600 milionë eurosh, që do e ndajë qeveria e re. Edukimi do të lidhet me kërkesat e tregut në mënyrë që çdo i diplomuar ta gjej një vend pune dhe e gjithë kjo do të mbështetet edhe prej investimeve të Bankës Zhvillimore në industrinë prodhuese dhe përpunuese që do i zëvendësojë importet.

“Me qeverinë e re të rinjtë nuk do e lidhin më besën me partinë, por kontratën me kompaninë dhe trendi i ikjes do të ndalet përmes shtetit solidar dhe shtetit social. Ne do të ofrojmë punësim të garantuar për një anëtar të familjes për çdo familje në skemë sociale. Do ta ndajmë mirëqenien duke paguar deri në 240 euro në vit për fëmijët nën 2 vjeç, e 120 euro në vit për fëmijët nën 16 vjeç, dhe do të heqim tatimin për të ardhurat deri në 300 euro sepse askush nuk duhet të paguaj për të mbetur gjallë”, tha ai.

Me votimin e qeverisë së re me datë 6 tetor, e me fitoren tonë të përbashkët do t’i bëjmë ndryshimet që i duam dhe i presim.

Pesë herë me radhë, në Deçan, disa të panjohur kanë dëmtuar banerët elektoralë të Lëvizjes VETËVENDOSJE! Fokusi i këtij gjesti të ulët ka qenë sidomos baneri ku shfaqej fotografia e kandidatit për kryeministër, Albin Kurtit.

Ky veprim i shëmtuar tregon frikën e cila i ka kapur bandat partiake që e kanë vjedhur Kosovën për 20 vite me radhë. Me pushtetin e tyre po largohet rinia, por me pushtetin e VETËVENDOSJES! do të largohet mafia!

Ne do të vazhdojmë t’i vendosim banerët tanë, sipas ligjit, kudo. Subjektet e PAN-it, në panik sepse janë jashtë gare, po kërkojnë vazhdimisht të na provokojnë. Por ne nuk do të biem pre e provokimeve të tyre. Aktivistët tanë në Deçan, e në krejt Kosovën, kanë qenë në gjendje të ballafaqohen me guxim maksimal, dhe gjithnjë të fitojnë, përballë pushtetarëve abuzivë nga të gjitha partitë.

As Deçani e asnjë vend në Kosovë, nuk ka nevojë për tension, por për zhvillim e investime. Ata që e kanë lënë Deçanin pa investime, pa zhvillim ekonomik dhe pa urbanizim sot kanë frikë, sepse ka ardhur koha që të humbasin bindshëm. Populli ka marrë vendim kundër tyre, ka marrë vendim për ndryshimin e madh që Deçani e Kosova të kthehet kah e mbara, me Lëvizjen VETËVENDOSJE!

Fatkeqësisht policia e cila është njoftuar zyrtarisht, nuk po vepron, edhe pse ky veprim i përsëritur pesë herë rresht ka ndodhur në qendër të qytetit në një hapësirë të monitoruar me kamera. Prandaj themi se me qeverinë Kurti, edhe policët do të çlirohen prej frikës dhe do të kenë mundësi ta zbatojnë ligjin njësoj për secilin, edhe për banditët e partive të vjetra.

Erdhi dita për ndryshim. Erdhi dita t’i largojmë abuzuesit dhe banditët nga pushteti. Erdhi dita për drejtësi e zhvillim, për Deçanin dhe për krejt Kosovën.

Në Drenasin e dëshmorëve e luftëtarëve mbajtëm tubimin e radhës, në valën e fushatës së fitores.

Në fjalën e tij, kandidati nga Drenasi dhe ish gjenerali i FSK-së, Enver Dugolli, theksoi se është në të njëjtën lëvizje, qysh prej vitit 1981 kur ka nisur angazhimin për çështjen kombëtare, e deri sot në Lëvizjen VETËVENDOSJE! Me të njëjtën dëshirë për ta bërë shoqërinë dhe vendin të lirë, për ta bërë Kosovën të zhvilluar e të drejtë.

Ndërsa kandidatja dhe nënkryetarja e Lëvizjes, Fatmire Mulhaxha Kollçaku, tregoi gjendjen e rëndë në shëndetësi dhe zotimin e Lëvizjes se, “se do të kemi një shëndetësi me qendër pacientin, se do të garantojmë sigurim shëndetësor universal dhe një sistem të unifikuar për sëmundjet kronike dhe onkologjike”.

Kandidati Xhelal Sveçla bëri thirrje për t’u bashkuar në 6 tetor sepse, “bashkë bëhemi në spital kur jemi apo kemi dikë sëmurë, bashkë presim para bankave për pensione të ulëta e kredi me kamata të larta, bashkë në shkolla, bashkë po hamë ushqime të skaduara e bashkë po thithim ajrin e ndotur”. Mirëpo, situata po ndryshon. “Siç thotë populli, ujku do mjegull, por mjegull s’ka më sepse erdhi dita. Erdhi dita kur edhe një fëmijë do ta dallojë të mirën nga e keqja”, tha në përfundim aktivisti i hershëm Sveçla.

Kandidati për deputet Rexhep Selimi kujtoi se, “për 20 vite vetëm i kanë marrë Drenicës dhe nuk i kanë dhënë asgjë, vetëm i kanë marrë familjeve të dëshmorëve dhe nuk i dhanë asgjë”. Ish komandanti i UÇK-së u bëri thirrje drenicakëve të çohen sepse nuk ka më bastione që e ndalojnë fitoren e Lëvizjes dhe se Drenica nuk është pronë e PDK-së por vatër e Adem Jasharit dhe e të gjithë dëshmorëve të tjerë të rënë për liri.

Në fjalën përmbyllëse Kryeministri i ardhshëm Albin Kurti tregoi se Drenasi dhe Skënderaj janë komunat me skemat më të mëdha sociale në Kosovë dhe se varfëria nuk luftohet vetëm me skema sociale, por me zhvillim e punësim. Edukimi është qendror në suksesin dhe progresin e secilit. “Prandaj ne me qeverisjen tonë do të ndajmë 160 milion euro investime në arsim për mandatin tonë 4 vjeçar”, u zotua aktivisti i parë i Lëvizjes tonë.

Fitorja e qeverisë Kurti është fitorja e arsimit me cilësi, tokës me bujqësi, gjykatave me drejtësi, punëtorit me barazi, shëndetësi me mjekësi dhe bankave për zhvillim. E vota për këtë fitore, mban numrin 126.

Mes brohoritjeve “Vetëvendosje”, “Erdhi dita”, “Albin Kurti” kandidatët për deputetë të Lëvizjes, Hekuran Murati, Emrush Xhemajli , Glauk Konjufca dhe kandidatë të tjerë nga lista e Lëvizjes hynë në sallën e re të sporteve që ishte mbushur me njerëz në Han të Elezit.

Lindita Rexha që kandidon për deputete nga Hani i Elezit për shkak të problemeve shëndetësore nuk ishte e pranishme në sallë, por iu drejtua publikut me një letër plot shpresë për ditën e 6 tetorit. Ajo tha se me qeverisjen e re të Lëvizjes në vend të asfaltit do të ketë fasha, në vend të tenderëve të vjedhur dorëza nëpër spitale, në vend të intervencave trajtim të barabartë e njerëzor, në vend të shqetësimit financiar për shëndetin, shqetësim vetëm për sëmundjen dhe tejkalimin e saj.

Kandidati Hekuran Murati tha se me datë 6 tetor do të ndodhë një prerje mes 20 viteve të kaluara dhe 20 viteve të ardhshme. Me qeverinë e re që do sjell sigurime shëndetësore nuk do të ketë më të sëmurë që kërkojnë para për shërim jashtë vendit. Me qeverinë e re do të ketë skema sociale që nuk e lënë as një familje pa kulm mbi kokë dhe asnjë familje pa dikë të punësuar. Me qeverinë e re do të ketë përkrahje për ndërmarrësit e rinj, sepse vetëm kështu me datë 6 tetor ikën terri dhe vjen dita e ndryshimit.

Kandidati Emrush Xhemajli theksoi se sundimtarëve po iu vjen fundi dhe koha është për qeverisjen e Lëvizjes që trajton me prioritet drejtësinë, ekonominë, varfërinë e pabarazinë si dhe ambientin ku nënvizoi Hanin e Elezit që vuan nga ndotja e ajrit, ujit dhe tokës. Xhemaji tha se ata sundimtarë që bëjnë thirrje t’iu besohet tashmë nuk iu beson askush, kurse ata që flasin për 100% shtet, po t’iu zgjatej edhe pak sundimi do t’i emëronin edhe 100 zv. Ministra dhe nga 100 skandale do i bënin edhe 1000 të tjera.

Kandidati Glauk Konjufca foli për qeverinë e re në krye me Albin Kurtin që me datë 6 tetor do e vej vendin në binarët e drejtësisë dhe zhvillimit ekonomik. Të tjerët patën rastin të tregohen dhe nuk sollën ndryshime por vetëm u bënë keqpërdorues e sundimtar të ligjit. Erdhi dita për drejtësinë sepse Lëvizja do e luftoj krimin dhe korrupsionin, erdhi dita e shtetit të mirëqenies dhe barazisë, erdhi dita për shëndetësinë e sigurimet shëndetësore, për arsimin e shkollat profesionale që do t’i ndërtoj Lëvizja për aftësimin dhe punësimin e të rinjve.

Erdhi dita për festë, për shkak se me datë 6 tetor do të fitojmë.

Llapi do ta votojë numrin 126. Në Besianë nga sheshi ‘Ali Ajeti’, mbushur përplot me qytetarë, mbajtëm tubimin madhështor të radhës për ardhjen e qeverisë Kurti. Burrat e gratë më të mirë të zonës së Llapit i janë bashkuar Lëvizjes për qeverisjen më të mirë që do të ketë parë ndonjëherë Kosova.

Kandidati jonë nga Llapi, Ajet Potera, u bëri thirrje të pranishmëve që të mos e humbin shansin e artë e historik të 6 tetorit që ta ndalim qeverisjen e mbrapshtë e ta kthejmë qytetarin në qeverisje. “Asnjë integrim nuk është i mundur në një shtet të kapur. Mirëpo, erdhi dita që Kosova të jetë shtet i integruar në vete më së pari, pra si shtet me integritet”, thirri ish-ushtari i UÇK-së, Potera.

Sipas kandidatit tjetër llapjan, Sabri Kiçmari, Lëvizja është e njëjta përpjekje si përpjekjet e tij me shokë në vitin ’89 për Kosovën Republikë, për liri, barazi, demokraci e VETËVENDOSJE!. Veprimtari i kahmotshëm i çeshtjes kombëtare, Kiçmari vendosi theksin se: “jemi mbledhur për të dhënë një fjalë e për të vendosur një besë, se do të votojmë Lëvizjen VETËVENDOSJE! dhe Albin Kurtin si Kryeministër, sepse në këtë mënyrë do të ndërtojmë të kaluarën dhe do të ndërtojmë të ardhmen”.

Kandidatja Saranda Bogujevci rreshtoi masat e Lëvizjes për të mbështetur investimet e komunave në ujë të pijshëm, arsim, mjedis, kulturë e infrastrukturë. Përmes grantit të katërt për komuna, Lëvizja do të shpërndajë 600 milionë euro për 4 vite, ku komunat do të vendosin për shpenzimet sipas nevojave. Pas 4 viteve, komunat e Kosovës do të sigurojnë çdo shërbim të nevojshëm për qytetarët.

Ndërsa për kandidatin tjetër, profesorin universitar, Shpejtim Bulliqin, Kosova me qeverisjen Kurti do të jetë një shtet i kompletuar, dinjitoz dhe i cili do të angazhojë të gjitha zanatet, profesionet e talentet e qytetarëve tanë.

Kryeministri i ardhshëm, Albin Kurti, në fjalën e tij shpjegoi se dija, puna, toka, kultura dhe sporti nuk do të kenë asnjë mbështetje mangut nga qeveria e drejtuar prej tij. Për rivalët politik, i pari i qeverisë së Lëvizjes tha se, “sot kemi për rivalë kundërshtarë të frikësuar e të tjerë që frikësojnë, dhe kur frikësohesh përfundon tek ata që ua ke frikën”, për të shtuar më tutje se, “ata që e kanë trurin asfalt natyrisht që mund të na sjellin asfalt, por pa tru”. Ndërkohë, në Kosovën me 18% të popullsisë në varfëri ekstreme Kryeministri Kurti u zotua se motoja jonë është, “asnjë familje pa kulm mbi kokë dhe asnjë shtëpi pa dikë të punësuar”.

Me këtë vizion e guxim, me këto qëllime e me këtë dashuri të madhe për shqiptarët qeveria Kurti do ta transformojë Kosovën e do ta emancipojë mbarë shoqërinë.

Në vendin më të artë të Kosovës e kryeqytetin e argjend, siç e cilësoi Glauk Konjufca, në Artanë u mblodhën qindra qytetarë për të dëgjuar kandidatët e Lëvizjes për deputet Emin Gërbeshin, Labinotë Demi Murtezin, Shemsi Sylën, Fitore Pacollin dhe Glauk Konjufcën .

Ne jetojmë në komunën më të pasur në rajon dhe jemi qytetarët më të varfër të vendit. Me qeverinë Kurti që investon në minierat e Artanës e Trepçës do të zhvillohet ekonomia dhe Artana, tha kandidati Emin Gërbeshi.

Kandidatja Labinotë Demi Murtezi u shpreh e bindur se qytetarët tashmë e dinë që Lëvizja është e vetmja shpresë dhe se e meritojmë të qeverisim me një kryeministër si Albin Kurti.

20 vite pas çlirimit nuk mund t’i lëmë pensionistët me lëmoshë, nënat e reja pa pushim lehonie, të sëmurët pa ilaçe dhe ushtrinë e Kosovës pa funksionalizim të plotë, andaj erdhi dita e ndryshimit, u shpreh Shemsi Syla.

Fitore Pacolli kujtoi se 1 në 8 gra është sot e punësuar dhe mbi 60% e të rinjve janë të papunë dhe se kjo do të ndryshojë me 6 tetor, me një shtet që është për të gjithë.

Glauk Konjufca foli për të mirat që vijnë pas 6 tetorit, për Fondin Sovran që shpëton ndërmarrjet publike nga falimentimi dhe për Bankën Zhvillimore që ndihmon bizneset e vogla dhe të mesme për të krijuar vende pune për rininë.

Me numrin 126 dhe me kandidatin më të mirë për kryeministër Albin Kurtin, me 6 tetor festojmë fitoren e Lëvizjes.

Nga pallati i zjarrtë i sportit në Ferizajn e harmonisë fetare e sipërmarrësve të rinj mbajtëm tubimin e radhës të fushatës zgjedhore mes mijëra qytetarësh. Së shpejti nuk do të ketë as pallate sporti të mëdhenj mjaftueshëm për tubimet tona. Lëvizja VETËVENDOSJE! tashmë është emri i fitores, sllogani i popullit dhe rruga e të ardhmes së vendit.

Kandidati dhe Kryetari i Qendrës së Ferizajt, Valon Ramadani, kujtoi përpjekjet nëpër kryengritje të shqiptarëve 126 vite më parë për të treguar se përpjekja e tyre është paraprirëse e fitores tonë për drejtësi politike dhe ekonomike. Haki Abazi e vazhdoi paralelizimin historik duke krahasur 6 tetorin e vitit 2019 me 6 tetorin e vitit 1968 ku entuziazmi i shqiptarëve për të drejta kombëtare e barazi me kombet e tjera ishte i pakompromis. “Ky është fundi i pushtimit pas çlirimit të vitit ’99, sepse do t’i japim fund hajnisë, krimit e korrupsionit dhe metodave të nënshtrimit që të gjitha partitë kanë përdorur për ta gjunjëzuar e varfëruar që ta manipulojnë dhe drejtojnë në drejtimin e duhur”, tha kandidati Abazi.

Për kandidaten Arbërie Nagavcin, 6 tetori mund ta çlirojë shtetin nga kapja vetëm nëse fitorja është plebishitare, “Republika nuk është pronë private, por është inteligjenca jonë publike”. Si inteligjencë publike, Kosova ka nevojë për rimëkëmbjen e arsimit, investimin në shkolla, dinjitetin për mësimdhënësit, vëmendjen maksimale për fëmijët dhe lidhjen e arsimit me ekonominë. Mirëpo, të gjitha projektet për të ardhmen e vendit, shpjegoi kandidati Xhelal Sveçla, mund të çohen para vetëm në një shtet të sigurtë, ku të gjithë janë të barabartë përpara shtetit dhe askush nuk qëndron përtej ligjit. “Të gjitha partitë e tjera e kanë qeverisur vendin dhe ne e dimë se nga këta nuk mund të vijë ndryshimi. Këta edhe mund të na e vjedhin programin, edhe mund të na e kopjojnë atë, por ndryshim nuk sjellin”, tha në vazhdim aktivisti i kahmotshëm i Lëvizjes, Sveçla.

Kryetari jonë dhe Kryeministri i ardhshëm i mbarë Kosovës, Albin Kurti, ia filloi me konstatimin se rinia dikur ikte prej Serbisë e tash prej qeverisë. Qeveria Kurti do ta zëvendësojë korrupsionin me shërbim, privatizimin me investime, deindustrializimin me ringritje fabrikash, keqpagimin e punëtorëve me të drejta kolektive për ta, dhe dhunën ndaj gruas me mbështetje sociale e arsimore për gratë.

Duke prezantuar vizionin e qeverisë, Kryeministri në ardhje Kurti bëri me dije se në katër vite mandat 1.4 miliard euro do të jenë investime publike për sektorët strategjikë të Kosovës, 160 milion euro investime në arsim çdo vit, dhe 1000 bursa në disponim për vajzat studente që studiojnë matematikë e shkenca natyrore.

Punëtorët do të kenë zërin e tyre në qeverisjen Kurti, puna e tyre do të njihet, jeta e tyre do të mbrohet dhe organizimi i tyre do të mbështetet. Për shëndetësinë, Albin Kurti u përbetuar se shëndetësia publike pa pagesë individuale do të jetë e garantuar dhe me investimet e nevojshme. “Askush nuk duhet të vdes pse është i varfër, i papunë apo me rrogë të vogël”, tha ai.