Përkrahje për ndërmarrjet në Ferizaj
Shtëpia e ëmbëlsirave ” Vlera ” dhe kompania ” Ëmbëlsia”, janë dy nga bizneset që u vizituan nga kryetari i ardhshëm i Ferizajt, Valon Ramdani, deputetja Shqipe Metaj-Isufi dhe kandidatët për Kuvend Komunal, Shqipe Jashari, Yllkë Neziri, Islam Ademi dhe Driton Ismajli. Në Ferizaj, veprojnë një numër i madh biznesesh, disa prej të cilave, ashtu sikurse bizneset në fjalë, kanë të punësuara vetëm gra, duke i kontribouar kështu sadopak sheshimit të pabarazisë, që vërehet veçanërisht në tregun e punët, aty ku vajzat e gratë përballen me sfida e vështirësi vetëm se janë të tilla, përkundër rezultateve e performancës së tyre në vendin e punës.
Mirëpo me qeverisjen tonë këtij mentaliteti diskriminues e mohues do t’i ipet fundit, ne do të angazhohemi për krijimin e hapësirave që ofrojnë mundësi e mbështetje, kjo përmes politikave që fuqizojnë gratë në sipërmarrje, ndër të cilat është edhe dhënia e 50 granteve në vit, deri në 20.000 euro secili, në mbështetje të bizneseve të grave në Komunën tonë.
