Takim me delegacionin e partisë LSDM nga Maqedonia e Veriut
Sot, në zyret e Lëvizjes VETËVENDOSJE! Sekretari Organizativ, Alim Rama, së bashku me Sekretarin Për Marrëdhënie Ndërkombëtare, Hajrulla Çeku, dhe anëtaren e këtij sekretariati Anila Vrajolli, mirëpritën një delegacion të partisë LSDM nga Maqedonia e Veriut, të përbërë nga Sekretari i Përgjithshëm, z. Mile Zechevikj, Sekretari Ndërkombëtar, z. Bojan Marichikj dhe Kryetari i Forumit Rinor, z. Marko Mihailoski.
![](https://www.vetevendosje.org/wp-content/uploads/2024/01/420183132_775991324567120_2194243379953734233_n-1024x681.jpg)
![](https://www.vetevendosje.org/wp-content/uploads/2024/01/420196707_775991304567122_6714638606250770469_n-1024x683.jpg)
Në këtë takim miqësor u diskutua për zhvillimet politike në dy vendet tona dhe në rajon përgjithësisht. U theksua rëndësia e bashkëpunimit ndërmjet dy subjekteve tona që njëherazi janë edhe anëtare të përbashkëta në platformat e ndryshme socialdemokrate nëpër botë. Bashkë konstatuam nevojën për vazhdimin e rrugës së bashkëpunimit mes dy organizatave sikurse e kemi mes dy forumeve tona rinore.
![](https://www.vetevendosje.org/wp-content/uploads/2024/01/420459523_775991404567112_338847583114327591_n-1024x681.jpg)
![](https://www.vetevendosje.org/wp-content/uploads/2024/01/420478873_775991314567121_3028430254907744560_n-1024x681.jpg)
Takimin e përmbyllëm duke diskutuar ngjarjet e ardhshme në të cilat do të jemi së bashku dhe hapat e tjerë për thellimin e bashkëpunimit gjithnjë nën dritën e socialdemokracisë.