05 05 2019

Urime Muaji i Ramazanit

Lëvizja VETËVENDOSJE! i uron të gjithë besimtarët muslimanë për fillimin e muajit të Ramazanit. Ky muaj është i mbushur me domethënie shpirtërore e me shenjtëri, për të gjithë besimtarët.

Muaji i Ramazanit është muaji jo vetëm i besimit, por i besimit me besnikëri. Në Ramazan besohet jo vetëm përmes shpresës e dëshirës, por më së shumti përmes vullnetit, disiplinës e guximit. Agjërimi na tregon se pastrimi dhe kalitja e mendjes dhe e zemrës nuk vjen nga jashtë, por duhet të bëhet vetë dhe mund të bëhet vetë, prej të gjithëve atyre që zgjedhin të jenë pjesë e një komuniteti dhe e një fryme.

Në Ramazan mësojmë po ashtu se vetësakrifica, me dhimbjet dhe idealet e saja, apo edhe besimi me devotshmëri ndaj idealeve nuk ushtrohen vetëm, e nuk mbahen vetëm për vete, por në bashkësi dhe me të tjerë, në solidaritet e në bashkëveprim.

Urojmë që muaji i Ramazanit, të na i forcojë lidhjet me të dashurit tanë dhe të na përbashkojë me të tjerë që nuk i kemi njohur.

Qoftë i lehtë agjërimi për ata që do të agjërojnë, sjelltë lumturi e gëzim në zemrat e besimtarëve!

Kontribo