Enver Haliti

71

Profili

Emri i plotë

Enver Haliti

Enver Haliti ka lindur më 20 janar 1977 në Ferizaj. Studimet bazike i ka përfunduar në Universitetin e Prishtinës “Hasan Prishtina”, Fakulteti Ekonomik. Ndërsa, ato master i ka vijuar në Universitetin e Europës Juglindore në Tetovë, drejtimi Menaxhment. Ai flet dy gjuhë të huaja, frëngjisht dhe anglisht.

Në vitin 1999 i bashkohet Ushtrisë Çlirimtare të Kosovës, në Brigadën 138 “Agim Ramadani” Zona Operative e Dukagjinit. Enver Haliti prej më shumë se 15 vite është aktiv në jetën politike, ku ka mbajtur pozita të ndryshme udhëheqëse partiake dhe në institucione publike lokale, ekzekutive dhe legjislative. Në vitin 2014 ka udhëhequr me Drejtorinë për Kulturë, Rini dhe Sport, pastaj Drejtorinë për Zhvillim Ekonomik dhe Turizëm në Ferizaj, ndërsa në vitin 2016 bëhet pjesë e Asamblesë Komunale në Ferizaj.

Ai iu bashkua Lëvizjes VETËVENDOSJE! në qershor të vitit 2017, si dhe në zgjedhjet komunale të po atij viti, Enver Haliti zgjidhet bartës i listës së Lëvizjes VETËVENDOSJE!, ndërsa tani është kryesues i Grupit të Asamblistëve të Lëvizjes.

Aktualisht, Enveri është Nënkryetar i parë i Qendrës së LVV-së në Ferizaj dhe anëtar i Këshillit të Përgjithshëm. Ai është i martuar dhe ka tre fëmijë.