29 12 2018

Saranda Bogujevci

Shkrime

Emri i plotë

Saranda Bogujevci

Pozita

Deputete

Saranda Bogujevci është e lindur më 12 qershor 1985. Ajo është artiste dhe gjithashtu aktiviste e luftës për drejtësi dhe të drejtave dhe barazisë së grave në shoqëri, si dhe përkrahëse e rinisë. Saranda Bogujevci është diplomuar në Universitetin e Mançesterit ne Britani. Tre vitet e fundit ka qenë e angazhuar si Drejtoreshë në Departamentin e Kulturës, Rinisë dhe Sportit të Komunës së Prishtinës, nën udhëheqjen e kryetarit Shpend Ahmeti.

Që nga paslufta, ajo është pjesë e organizatës “Manchester Aid Kosovo”, me të cilën kanë realizuar shumë projekte në komunën e Podujevës duke përfshirë edhe “Parkun e Paqes” në qytet. Ka qenë bashkartiste e Ekspozitës Familjare “Bogujevci histori vizuale”, e cila pati sukses të jashtëzakonshëm duke u shfaqur në Kosovë, Shqipëri dhe Serbi. Saranda gjatë luftës së fundit në Kosovë ka qenë e plagosur rëndë në masakrën e Podujevës ku humbi një pjesë të madhe të familjes. Ajo ishte fëmija i parë në botë që dëshmoi në një gjykatë për krime të luftës. Në vitin 2003 Saranda Bogujevci është shpërblyer së bashku me familjen me çmimin ndërkombëtar për Kurajo Morale “Anna Frank”, në Britani.