29 12 2018

Fitore Pacolli – Dalipi

Shkrime

Emri i plotë

Fitore Pacolli – Dalipi

Pozita

Anëtare e Kryesisë dhe deputete

Fitore Pacolli – Dalipi ka përfunduar Masterin në drejtimin Politika dhe Qeverisje të BE-së në Universitetin “London School of Economics and Political Sciences” (LSE) në Londër. Studimet Baçelor i kreu në “London Metropolitan University”, drejtimi Politikë dhe Marrëdhënie Ndërkombëtare si dhe në Fakultetin e Filologjisë, drejtimi i Gjuhës dhe Letërsisë Angleze, në Universitetin e Prishtinës. Në Londër ajo u angazhua edhe në zgjedhjet parlamentare të vitit 2010 dhe si hulumtuese në organizatën “International Business and Diplomatic Exchange”.

Po ashtu, ajo ka qenë aktiviste në organizatën ndërkombëtare “Amnesty International” në Londër. Në vitin 2012 ajo u angazhua në Lëvizjen VETËVENDOSJE! ku drejton edhe Komitetin për Politikë të Jashtme. Më herët, ajo ka punuar tre vite edhe si ligjëruese e Shkencave Politike në Kolegjin Universum. Ajo ka një përvojë tetë vjeçare në mësimdhënie në shkolla lokale dhe ndërkombëtare. Fitore Pacolli është Shefe e Kabinetit të Kryetarit të Komunës së Prishtinës, Shpend Ahmeti, dhe kandidon për deputete në Kuvendin e Kosovës.